حكاية المجلس والشذوذ الجنسي تري ايهما احق بالمناقشة

المشهد الاول

حوار بين اميرة والاء في الحرم الجامعي

أميرة:ازيك ياآلاء

هشام باعتلك رسالة

الاء:خير انشاء الله

أميرة:بيقولك المصوربتاع المصري اليوم اللي صور في مجلس الشعب العضو وهو نايم عمل حادثة وفي المستشفي ومش هيقدر يصور معنا

آلاء:ياربي طب احنا هنروح نزوره

أميرة :منا لما قلت لهشام قاللي انه ممنوع عنه الزيارات

أميرة:شفتي بقي الموضوع ملعبك ازاي حتي المصادر بتاعتنا بتعمل حوادث وبقية المجموعة مش موافقة علي الفكرة وعايزين يعملوا فكرة الشذوذ الجنسي

cut

المشهد الثاني

اميرة وسونا وآلاء في طريق العودة إلي المنزل يتحدثون

آلاء:هشام لسة متصل بيا امبارح بيقولي ان المصور خرج وصور صورة لكمال الشاذلي وهو بيعاكس واحدة

أميرة:اده معقولة كان بيعاكسها ازاي؟قصدي هو المصور ده تخصص مجلس شعب ولا ايه؟

آلاء:ههههه باين كدة

أميرة:والله انا مش عارفة مجموعة المشروع مش موافقة علي الفكرة دي ليه

هي الانتهاكات اللي بتحصل في مجلس الشعب شوية

ايووووه علي المجلس وبلاويه واللي بيجري فيه

سونة -احسان-:احنا جمعنا مادة علمية ضخمة وكل كلمة كتبتوها في الاسكريبت كان ليها مغزي ومعني

أميرة:اه انا والاء قعدنا نكتبه مع بعض لحد الساعة 11 بالليل لحد ماجبنا بترول

آلاء:اه متفكرنيش

أميرة:لا هفكرك

سونا جمعت مادة علمية رهيبة من الجرايد ومعلومات وقوانين ده غير الحجات اللي انا وانتي وماجدة وهبة جابوها المادة دي خلتنا نكتب اسكريبت كل كلمة فيه ليها مغزي وخلتنا نقدر نبني مشاهد

آلاء:خلاص ياأميرةاحنا عملنا شغل واستفدنا عالاقل عالمستوي الشخصي

أميرة:ايوة بس ابسط حقوقنا ان اللي كتبناه ده الناس تشوفه وتقولنا رايها فيه

آلاء وسونة في صوت واحد:طب هنعمل ايه يعني؟!!

أميرة:انا هحطه عندي في المدونة ايه رايكوا

واحنا كمان هنوريه لكل الناس اللي نعرفهم

خلاص ماشي

اتفقنا

cut

استنونا قريب اوي

هنا وبس

عشان تقروا معانا

حكاية مجلس

حكاية حقيقية احداثها وقعت بالفعل وللاسف مازلت تحدث

افتكروا ان تعليقكوا يهمنا

coming sooooooooooooon

انتم في ايام واحداث

قد تعتقدون ان هذه المدونة تأريخ وتوثيق لعام مضي

ولكنها ليست كذلك

اتعرفون ماهي

انها انتم في مواقف

نعم يااصدقائي اردت ان اكتب عنكم ولكن دون ان تعلموا من انتم عندي

هذه التدوينة

سطرتها ايامي معكم

سطرها حبكم لي وحبي لكم

اهداء لصناع هذه السطور

مع الاعتذارلكل واحد منكم

فقد لاتعرف اي السطور صنعت انت؟!!

1-1 قوة بعد ضعف

15-1ماتت وادركت كم كنت احبها دون ان اعلم

23-2كنت اعتقد ان السماء تبكي معي ولكني اكتشفت انها تمطر

22-4اصعب شئ ان يفهمك شخص اكتر من نفسك ويعاملك علي هذا الاساس

7-5حتما سياتي يوم لنفترق

3-6قهر مخاوفي والمواجهة

4-6الضحك افضل شئ لمواجهة الصدمات العنيفة

18-6يوم لاينسي

2-7موت وحياة

4-7البؤس والسعادة يمتزجان بداخلي ويكونا احساس غريب

21-7نظرة اكثر تفاؤلا

23-7اتمني فتتحقق امنيتي في الحال

1-8بداية العمل الصحفي-لم يكن متوقعا-

5-8اكتشفت انالصفاء والنقاء يعيش معنا في شكل انسان

13-8عبثا احاول ادخال السرور علي هذا القلب

15-8دموع ساخنة وانا اقرا رواية ان تكون عباس العبد

27-8يوم كنت علي استعداد لدفع عمري كله لاعيشه

30-8دموع الفرحة

حوالي منتصف شهر سبتمبر فرحة طاااااغية واطمئنان عليهم

7-10حب وتضحية وألم

12-10 علمني التكبر علي آلامي وارغمني علي القوة

25-10حوار صاخب مع ذلك الصامت

1-11لحظة تخبرني بانه قد يحرمنا القدر مما نتمناه ليعطينا اكثر مما نتمني

2-11رحيل صديق عزيزللابد

13-11اكتشاف انسان

17-11ادركت ان الاحلام المستحيلة قد تنزل لارض الواقع ولو للحظة

25-11نتيجة لظروف قهرية كتبت مسرحية

5-12قررت ان اخسر اعز انسان لدي

8-12شاءت الاقدار الا اخسرهذا الانسان

10-12حوار بلا انقطاع

21-12يوم ميلادي

اعترافات مدمنة

اتذكر ذلك اليوم الذي ذهبت فيه لمصحة من مصحات الادمان وجلست مع المدمنين وتحاورت معهم
لم اكن اعرف ان المطاف سينتهي بي لاحمل لقب مدمنة. نعم انها الحقيقة المرة فانا مدمنة

اذكر جيدا اليوم الذي بدأت فيه هذه الرحلة اللعينة رحلة الادمان
كان يوم من ايام شهر اغسطس خرجت من منزلي ﺇثر مشاجرة مع أبي سرت علي غير هدي
لااعرف اين اذهب ﺇلي ان لاح امامي مقهي للانترنت ففكرت ان ادخل واقضي بضع ساعات فيه
فاين سأذهب وانا ليس معي الا جنيهات قليلة
وقتها لم اكن اعرف استخدام تلك الشبكة الاخطبوطية فطلبت من السيبرمان مساعدتي لانشاء ايميل
وللدخول علي غرف الدردشة و قضيت ثلاث ساعات اتحدث واتعارف علي الناس ونسيت كل
همومي وفرحت بعالمي الجديد ومنذ ذلك الحين كلما اصابني الضيق ذهبت لاجلس في مقهي الانترنت
اتعارف وادردش مع الناس ومع الوقت اصبح مقهي الانترنت هو بيتي الثاني وقد ساعد في ذلك فترة
تدريبي في احدي الصحف فكنت ازعم احتياجي الانترنت للبحث عن معلومات تفيدني
في كتابة موضوعاتي وكنت بمجرد ان اجلس امام شاشة الكمبيوتر انسي ماكنت سابحث عنه
ولا اتذكر سوي برامج الدردشة
انحسر عالمي كله في شاشة وازرار
انعزلت عن الناس تماما لا اكاد اري احدا كلما حاول احد اصدقائي الاتصال بي وجدوني في مقهي الانترنت
فكانوا ياتون ليجلسوا معي في مقهي الانترنت فلا يجدون الا انسانة لا تلقي لهم بالا لايهمها سوي الازرار التي تدق عليها والشاشة التي تحدق بها
وبعد انتهاء الاجازة الصيفية وبدء الدراسة اصبحت لااحضر المحاضرات لاجلس علي الانترنت ويكلمني اصحابي واعدهم بان آتي الجامعة ولكن كل قراراتي ونواياي تتلاشي امام سحر الشاشة والازرار
عندما جاء العيد علينا وكان اقاربي كلهم مجتمعين تهربت من الذهاب مع افراد اسرتي لاستمتع بالجلوس عالانترنت
اصبحت اصاب بالاكتئاب اذا ما مر يوما دون الجلوس عالانترنت
فانا افعل كل شئ عالانترنت انقل افكاري وتعبيرات وجهي بواسطة الدق عالازرار فاذا كنت اتحدث مع احد من اهل الشبكة الاخطبوطية واردت ان اضحك كتبت هههههههههه او ارسلت وجها (كرة صغيرة) تبتسم بالنيابة عني واذا اردت ان ابكي ارسلت وجها تتناثر من عينيه الدموع
ولكني وجدتني فقدت التواصل مع البشر من حولي في الحياة الحقيقية ولا اعرف التواصل او التعامل الا مع اهل النت وخسرت اصدقائي وتراجع مستواي في الدراسة

فجأة اكتشفت اني اسير في اتجاه الهاوية بخطي ثابتة وكان لزاما علي ان اعترف بادماني
نعم انا مدمنة قد لايعترف المجتمع بادماني هذا ولكنها الحقيقة
رسمت خطة لعلاج نفسي فلقد كرهت العيشة ام زراير واردت ان احيا من جديد وسط اصدقائي الذين طالما احبوني واحبتهم
واستطعت ان اتخلص من ادماني هذا
وتم الله شفائي علي خير واصبحت استخدم الانترنت باعتدال
وانا الآن اجيد التواصل مع اصدقائي والبشر عامة في الحياة الحقيقية وتنتقل افكاري عن طريق التحاور معهم وليس عن طريق الزراير

ملاك يحطم جدران القسوة والعنف بسببك

قاسية ؛عنيفة , لاتأمن جانب أحد،جائز ان تغدر بك او تظلمك ,قد توجه لك الاهانات ولاتقيم وزنا لمشاعرك
هل سبق لك ان واجهت هذا النوع من الشخصيات؟
اذا كانت ءاجابتك نعم
فبالطبع قد حكمت عليها بانها لاتصلح ان تصنف ضمن البشر واحسست تجاهها بكل المشاعر السلبية من بغض وكراهية(وانا لا الومك في احساسك فاحساس الانسان لايبرر)لقد كان رد فعلك تجاهها في احسن الاحوال هو تجاهلها
تري انك قد تعاملت مع ابشع الشخصيات وانا اري انك تعاملت مع ارق الشخصيات
في رايك انك قابلت شخصية قوية جبارة وفي رايي انك رايت اضعف الشخصيات

ان الشخصية المستبدة اليوم هي المقهورة بالامس

ونتيجة لتعرضها للقهر فانها تري ان الحياة حرب فيها الغالب والمغلوب وان افضل وسيلة للدفاع عن نفسها هي الهجوم
انها لاتقسو عليك الاخوفا من قسوتك عليها ولا تعاملك بعنف الا خوفا من معاملتك لها بعنف
ولا تامن جانبك اليوم فقد غدر بها وظلمها كثير من الناس بالامس

اتعرف لو قابلت مثل هذه الشخصية يوما في حياتك
وجربت ان تعطيها ذرات من الحنان والتسامح والحب
ماذا ستري ؟
ستري امامك ملاكا يحطم جدران القسوة والعنفالتي ظل متخفيا خلفها سنوات وسنوات ويخرج ليحتضنك بين ذراعيه ويسقيك من انهار حبه وحنانه الذين ظلوا متجمدين وذابوا عندما اشرقت شمس حبك وحنانك في دنياه المظلمة

اه لو كنا نقرأ السطور ومابينها
اه لو كنا نري الاحداث وما ورائها
اه لو لم ننظر لسلوكيات البشر ولكن ننظر للظروف التي جعلتهم يسلكوا هذه السلوكيات

اعمل نفسك مش واخد بالك

بتحب التمثيل؟

عمرك مثلت قبل كدة؟

متخافش لو ممثلتش مسيرك هتمثل

بكرة تقابل ناس تجبرك عالتمثيل

لا لا لا

خااالص

مش ناس وحشين

ناس كويسين اوي

بس متطرفين،

مصابين بتطرف المشاعر.

اصحابك هما مش حد غريب والله

زي ماحبوك اويييييييي وبجنون

ممكن حاجة بسيطة تخليهم يكرهوك

بس زي ماحبوك اوي هيكرهوك اويييييي

هتشوف منهم قسوة عمرك ماشفتهاوممكن توصل كمان لمش عايزين نشوف وشك هنا تاني

لو اصحابك من النوعية دي

يبقي الاستعباط هو الحل

اتعامل عادي

احترف التمثيل

اعمل نفسك مش واخد بالك

اصبر عليهم

لحد ماهما يرجعوا تاني يحبوك بجنون

متبعش عشرة العمر بسهولة

اميرة وعلا حسن الختام

ملحوظة احداث هذه المسرحية من نسج خيال المؤلف واي تشابه في الاحداث والاشخاص مقصود ومتعمد

في ممر جمانة حيث تم نصب كوشتين للعرايس العروستان تنتظر مجئ العرسان

أميرة : بينها وبين نفسها في قلق ياتري فعلا ممكن العريس يجي؟

علا : بينها وبين نفسها إيه الحيوانات دول-تقصد العمال اللي عملوا الكوشة-،مش عارفين يعملوا كوشة غلط غلط المفروض الكوشة مش بتتعمل كدة

يعمل الجمانيين علي تجهيز الفرح قبل مالعرسان تيجي تدخل بارة الممر ومعها مايكل (ابنها)معلش ياجماعة اتأخرت

علا متقلقيش لسة العرسان مجوش

فجأة يسكت الجميع ويدخل بسام في موكب جنائزي وفي يده العرسان ويسلمهم إلي العروستان بقرف وبسرعة يأتي عبدالرحمن وإيهاب لربط العرسان بحبل متين في الكرسي حتي يأتي المأذون ويجلس بسام في ركن بعيد ويبدو وكأنه يخطط لشئ ما

تنادي أميرة عبدالرحمن ويرد عليها :نعم

أميرة :انا لسة محتارة وحاسة ان مشاعري لسة منضجتش وخايفة ،تفتكر لما يجي المأذون أوافق ولا لا؟

عبدالرحمن بغيظ: بت اتلمي مش ناقصين بدل مااديك علي وشك احنا ماصدقنا

ويلتفت لايهاب وضيا يلا نشوف البوفيه فيه ايه

ايهاب :لا انا هروح اضرب كشري في السريع

عبدالرحمن :طيب متنساش نفسك وتعالي بسرعة عشان انت اللي هتقف تحاسب المأذون

اما علا فهي منسجمة مع عريسها جدا وقاعدين يرغوا مع بعض ومكبرين لاي حاجة

يدخل شادي ليقطع حديثهم قائلا للعريس:انا بوصيك علي علا ،حطها في عينيك واوعي تزعلها

عريس علا:في عينيا ياشادي

يتركهم شادي ويقترب من عريس أميرة:بوصيك علي بوسي ،اوعي تزعلها

عريس أميرة:حاضر بس علي شرط

يرد شادي باستغراب:شرط ايه ؟

عريس اميرة: تجاوبني عالسؤال ده كل البنات ليهم اسم واحد اشمعني هي ليها اسمين؟

شادي :خلاص متاخدش بالك منها احسن ،انا لسة هقعد اشرحلك

ويذهب شادي ليجلس بجانب ندا والدريني

ندا يحدث شادي والدريني مستنكرا:ايه الفرح الممل ده؟

تفاجأهم أميرة وهي تقف امامهم وتصورهم

دريني : محبكش يااميرة التوثيق دلوقتي روحي ياماما اقعدي في الكوشة

أميرة:انا قلت اخدلكوا صور في السريع

الدريني :طيب يلا ياماما روحي الكوشة يلا بسرعة عشان المأذون وصل خلاص

محمد علي الدين:هاتي يابوسي انا هصورلك الفرح

يصل المأذون ويتسارع الجمانيون للشهادة علي عقد القران ولكن يكتشف الجميع عدم وجود بطاقاتهم يبتسم بسام في خبث

يلاحظ ندا بسام ويعرف انه الفاعل ولكنه لايقول

ندا يقترب من بسام :نياهاهاهاهاهاهاها نسيت تاخد بتاعتي يقترب ندا من المأذون ويقوله خد ياسيدنا الشيخ

علا معترضة:انا ميشهدش علي فرحي حد بطاقته مقسومة نصين

ندا :يعني هو انتوا لاقيين اصلا بلا خيبة

المأذون طب والشاهد التاني

أميرة : ممكن ياسيدنا الشيخ طالما البطاقة مقسومة نصين يبقي كانهم بطاقتين

ندا ينظر إلي أميرة بغيظ :ويقول بينه وبين نفسه معلش استحمل انهاردة برده فرحها ومش لازم نعمل مشاكل

ندا :انا هكلم احمد فؤاد الدين يجي ببطاقته

وفجأة تجري أميرة خارج الممر منادية:هشام هشام

هشام ينظر لها باندهاش: اده هو فرحك انهاردة بجد انتي يبنتي لما عزمتيني افتكرتك بتهزري مش قادر اتخيل الشخصية الانتحارية اللي هتتجوزك

أميرة :ماعلينا ياهشام انت كنت جاي الجامعة تعمل ايه

هشام :ملكيش دعوة

أميرة :طيب طيب هات بطاقتك وتعالي بسرعة عشان تشهد علي كتب الكتاب

هشام :دايما كدة يااميرة ليكي حجات غريبة

ياتي هشام ليشهد علي عقدا القران

فتقوم علا فجأة :لااااا أنا محدش غريب يشهد علي عقدي

شادي :معلش ياعلا مضطرين خلي اليوم يعدي

علا :طيب

بعد اتمام عقدا القران تزغرط شادية وبارة وتاتي فاطمة لتدخل بسرعة الفرح وهي تزغرط

بارة :اتاخرتي ليه يافاطمة

فاطمة:عربية محمود عطلت في الطريق وطلعت عنينا

بارة :ولا يهمك

ايهاب يحاسب الماذون: هتاخد كام عالراسين ياباشا

الماذون : 600 جنيه ان شاء الله

إيهاب :هيا مياية وابقي كدة كارمك اخر كرم

المأذون :ياعم هتكفروا الواحد 100 جنيه بس اللي هاخدهم في الجوازتين دول ده انا جيت لاقتكوا رابطين العرسان بحبل في كراسيهم خايفين ليهربوا

أميرة: (وهي جالسة عالكوشة بصوت عالي) إيهاب خليها بريزتين كبار ولو الطلاق تم السنة دي يبقي ببلاش

عبدالرحمن: (يهمس في اذن ايهاب) خلي الليلة تعدي ياايهاب انت ناسي احنا تعبنا اد ايه علي بال ماجبناهم ده احنا مرت علينا ايام ياراجل كعب داير في الشوارع في عرض عريس

ايهاب :خلاص هزودله كف مريم

مشهد رومانسي بين العرسان علا مع عريسها:ايه يبني انت هتبصلي كدة كتير بقلك اسمع النكتة دي

عريسها :ايه يبنتي متديني فرصة اقلك كلمتين حلوين ولا ابصلك بصة رومانسية زي مكل الناس بتعمل يوم فرحها

علا(:بينها وبين نفسها )ماله ده ؟ وتنظر ناحية أميرة

عريس اميرة :انتي بترني لمين دلوقتي

اميرة: برن لنفسي عشان اشوف نمرتي مشغولة ولا لا

عريس اميرة بينه وبين نفسه لاحول ولاقوة الا بالله

موبايل بارة يرن تنظر باستغراب وتقول :اميرة!!!

بربارة تذهب للكوشة وفي يدها مايكل ابنها وتقترب من اميرة

اميرة لبارة في اذنها: انا خلصت كل الكلام اللي ممكن يتقال وهو لسة مفصلش مني اعمل ايه؟

بارة :سيبيه هو يفتح الكلام معاكي

اميرة :طب لما اجي ارمي بوكية الورد ارميه بايدي اليمين ولا الشمال؟

بربارة :اليمين ياحبيبتي

اميرة: طب لما يضحكلي اضحكله ولا اعمل نفسي مش واخدة بالي

بربارة:خليكي علي طبيعتك

مايكل بصوت عالي :هي طنط اميرة عبيطة ولا ايه ياماما؟

بربارة: عيب ياولد اسكت بدل ماتصل اقول لبابا

وعلي الناحيةالاخري ندا يكلم نفسه ايه ياربي الفرح ده مفهوش حريم عدلة ده ايه الحظ المهبب ده يذهب إلي الاستيدج وياخذ المايك من الدي جي ويطلب سبيشيال ريكويست اغنية العنب تراه شادية من بعيد يمسك المايك فتريد ان تاخذه منه

ندا :شادية سيبي المايك واطلعي من نفوخي الساعة دي

شادية :انا عايزة اقول حاجة مهمة

ندا :مفتكرتيش غير لما انا مسكته

شادي :خلاص ياندا سيبهولها تقول اللي هيا عايزاه وبعد كدة خده انت بقية اليوم

شادية في المايك: انا بهني العروسين وبدعيلهم دعاء الزواج-بارك الله لكما وبارك عليكما وجمع بينكما في خير بمجرد ان تنهي شادية كلامها في المايك يخطفه ندا منها بعنف

ندا:مع ندا شو مش هتقدر تغمض عينيك نياهاهاهاهاها وتبدا اغنية العنب وتدخل دعاء صاحبة علا في بدايتها لتقوم بالواجب ويذهب احمد ابراهيم ومها عشان يجيبوا العرسان يرقصوا

احمد ابراهيم لعلا وهم في الطريق الي الاستيدج: جبنالك معانا كيلو جوافة من اللي قلبك يحبها بس عايزين حد يغسلها

علا :مفيش مشاكل نبعت اميرة تغسلها بس عشان محدش ياخد باله نديها الجاكت بتاعك تحطه فيهاعشان هو كيلو واحد وشكل الجمانيين كلهم بيحبوا الجوافة

يذهب العرسان جميعا للرقص ويلتف حولهم الجمانيين يصقفون ويرقصون وفجأة يكتشفوا غياب اميرة الكل قلقان ومش عارف هي ممكن تكون راحت فين

ضيا :اكيد ياجماعة راحت تشتري حاجة وجاية انتوا قلقانين ليه

عبدالرحمن:اسكت ياله ويكلم نفسه عريسها يقول علينا ايه دلوقتي

شادي :خير ان شاء الله ياجماعة

بسام يتصل بها عالموبايل فتكنسله

بعد مرور نصف ساعة من القلق تظهر اميرة

الجمانيين في صوت واحد كنتي فين يااميرة

اميرة ببرود شديد:ابدا ياجماعة اصل انا كنت جعانة اوي وزهقت من العريس وفصلت منه وكنت شايلة معايا كوارع وحتة حلاوة وبصراحة كنت عايزة اكلهم لوحدي فاستغليت فرصة انه بيرقص معاكوا وقلت اروح اكلهم

الليل لسة طويل وانتوا مخلتوش حاجة في البوفيه كنت اعمل ايه يعني ؟ اقعد جعانة

يخيم الصمت علي الجميع من الذهول ثم ينهال الجميع عليها ضربا

النهاية

بنت اسمها علي اسمي

واول موقف كان بيني وبينها
لما رحت المسجد وكانت هي قبلها بتصلي فيه
وانا مكنتش اعرف انها هي اللي كانت متجمعة معانا انا واصحابي من شوية
فمكلمتهاش خالص
وطول الطريق انا شايفاها رايحة للمكان اللي كلنا كنا قاعدين فيه بس مكنتش اعرف انها هي
لما وصلنا احنا الاتنين عند اصحابنا-هي وصلت قبلي-
سالتني مش انتي اللي كنتي بتصلي معايا في المسجد ماستنتنيش ليه
فمردتش عليها واتحرجت منها وعدي الموقف علي كدة

بعدين في اليوم ده كنا قاعدين كلنا انا واعز اصحابي وقال ايه
هيلعبوا لعبة الصراحة
وافوجئ بالسؤال الرئيسي اللي دايما يتسال في اللعبة دي لما جه عليا الدور
انتي مرتبطة
طب حبيتي
ولايمكن انساها لما سالتني السؤال ده

من الاخر ياجماعة البنت دي علمتني كتير وانا اقولكوا ليه

انا كنت في الاول بحاول اتجنبها شايفاها متحررة جدا
انا اكيد مش بكرهها بس في نفس الوقت مش بحبها

متكلمناش اساسا كلمتين علي بعض
عشان اكرها ولا احبها ولا اطيقها ولا مطيقهاش

بس معرفش كنت متهيباها
مع الوقت كنت بدور علي فكرة لمشروعي

وفي حد اقترح عليا فكرة المدونون
انا بقيت افتح المدونات كتير
وبالصدفة لقيت مدونات لناس ميعتبروش اصحابي بس اعرفهم
ومنها كانت مدونتها

لاقيت حجات غريبة
معقول البنت دي تكتب ده
لاقتها عندها ملكة الكتابة رهيبة
مثقفة الي حد ما
عندها احساس عالي وراقي جدا
مش متحررة اوي زي منا فاكرة كدة
عندها ذوق في التعامل والرد
بقيت متضايقة
هي دي البنت اللي كنت بتجنبها

قدرت تستحوذ علي شئ من حبي واحترامي

واكبر دليل علي كدة
اني بكتب عنها البوست ده
اللي معتقدش انها هتشوفه في يوم من الايام

وبقولها بجد اتعلمت منك حاجة حلوة اوي
وهي اني محكمش عالناس بالظاهر واني لازم اعرف اللي ادامي الاول قبل ماخد عنه انطباع سواء سئ او حسن

وبجد انتي انسانة حلوة اوييييييييي من جواكي