السبت، 19 ذو الحجة، 1428 هـ

بطلة الكواليس


ذهبت الي مخرج المسرحية

اخبرته انها تستطيع ان تقوم بدور البطولة

اخبرها بإبتسامة هادئة انها لاتستطيع

هو لم يختر البطلة بعد ولكنها علي أية حال لاتصلح

لانه لايعرف ان كان اداءها جيد ام لا

تقبلت الخبر بصدمة داخلية
ولكنها ردت الابتسامة بابتسامة مماثلة

هي تعرف انها لايمكنها ان تكون
برغم ذلك كانت تقف خلسة علي خشبة المسرح وهو مظلم بعد ان يرحل الجميع
وتمثل دور البطولة
مستغلة فرصة خلو المكان من البشر


في يوم فوجئت بالمخرج يراقبها من خلف الكواليس
لم يعنفها ولم يلومها
اكتفي بابتسامة هادئة ايضا

اقترب موعد العرض ولم يتم حتي الآن اختيار بطلة للمسرحية
ومازالت تمثل دور البطولة في الظلام بعد ان يذهب الجميع
هو يراقبها من خلف الكواليس
ويبتسم ابتسامته الهادئة عندما تفاجأ بوجوده

الجمعة، 11 ذو الحجة، 1428 هـ

عيد يوم وجودي في الوجود












انا ليا 2 عيد ميلاد واحد حقيقي يوم 21 ديسبر وواحد متسجل في شهادة الميلاد 25 ديسمبر

وفي كل سنة بحتار احتفل بيه بأنهي يوم
بس امبارح قبل متيجي الساعة 12
اكتشفت ان انا لازم احتفل بيه يوم 21
عشان ابقي تميت 21 سنة في يوم 21
هيه هيه هيه
انا فرحانة اوي
رحت قلت لبابي انا خلاص كبرت وتميت 21
قاللي لسة لسة فاضل 4 ايام
قلتله لا انا اتولدت زي انهاردة في الفجر
وقررت احتفل
هيه هيه هيه
احلي حاجة ان كان حلمي الوحيد اقضي لحظات من اليوم ده تحت المطر والشارع يبقي فاضي واجري تحت المطر
وده حصل فعلا
كل سنة وانا طيبة
انهاردة عيد يوم وجودي في الوجود
دي صور اول احتفال بعيد ميلادي السنة اللي فاتت
وده البوست اللي كتبته في عيد ميلادي اللي فات والصورة المحطوطة كانت صورة تورتتي
اعيش وافتكر :))




الاثنين، 7 ذو الحجة، 1428 هـ

انا مش كدة ومفيش غير كدة عندي



امي تراني في صورتي الحقيقية

ولكني دائما اخذلها واحلق بعيدا عن صورتي تلك

هي تسامحني لانها تحبني

______________________-

انا الآن علي مشارف عام جديد من حياتي

ولكني لن اجلس لاحصي مكاسبي

فلقد انحسرت منذ زمن في حصر الخسائر

كم شخصا خسرت هذا العام؟

سأتعجب من كثرتهم

علي غير العادة لن اوجه اعتذاري لهم

فقط سأهنئهم انهم استطاعوا ان يخرجوا من حياتي بسلام

____________________________-

العام قارب علي الانتهاء -

وكأن الحياة رأتني محملة بكثير من الخسارة

فقررت ان تاتي لي ببعض الاماني

تلك التي تمنيتها ليلا ونهارا ومن فرط ماتمنيتها نسيتها

لم استطع التعرف عليها

رحلت هي ايضا وكعادتي لا أبالي

____________________________

تلومني نفسي ...كيف لي ان ارتكب تلك الحماقات وانا اعرف جيدا حقيقتها

فارد عليها ببساطة ولا مبالاة

انا مش كدة ومفيش غير كدة عندي



الأحد، 6 ذو الحجة، 1428 هـ

وإنه ذنب لو يعلمون عظيم

مواقف سخيفة ..صنع اديا وحياة عنيا
عاملة زي اللي يجرح نفسه ويتألم وبعد كدة يعيط
ايه الغبااااااء ده بقي
طب انا هكره نفسي ولا هكره الحياة ولا هكره لمواقف السخيفة ولاهعمل ايه
هو انا ينفع اروح اموت نفسي
او اخد شهادة ماضي عليها اتنين موظفين اني استاهل ضرب النار
يارب ابعتلي ناس وحشة يخلصوا مني اللي انا بعمله فيا وفي الناس
هو ينفع اكون بحلم وحد يقولي يلا قومي خلاص الكوابيس خلصت
ولا ينفع اصحي بكرة وكـأني مولودة من جديد ومش عملت اي حاجة في حياتي خالص
وابنيها صح واعملها قواعد كتير تضمنلي الستر والرضا عن نفسي

الجمعة، 4 ذو الحجة، 1428 هـ

كانت هنا في انتظار ما لا يأتي

تنازلت عن احلامها البسيطة
لم يعد يعنيها الوصول لنقطة التقاء مع ابيها
لم تعد تنتظر نجاح
وتخلت عن الذهاب هناك
الآن فقط قررت الرحيل عن اوهامها
والكف عن انتظار ما لا يأتي










السبت، 28 ذو القعدة، 1428 هـ

محاولة حياة...سكوت بنصور


هدوء تام

حجرة نصف مضيئة

وجهاز كمبيوتر اجلس عليه

منضدة عليها اشياء مبعثرة

شوية لب بقزقزهم -باكلهم يعني- وبرمي عالترابيزة بعبثية شديدة زي عبثية الاشياء المبعثرة

بفتح الماسنجر

يطالعني نيم احلي سنين العمر بينا تمر

يلاقي هوي في نفسي فلا انوي تغييره

ولكني اضيف بيرسونال مسج

محاولة حياة ...... سكوت بنصور

تناديني امي وتذكرني بشئ ما

استجيب وانفذه في صمت

وبدون تذمر فأمي معذورة ولم تقرأ البيرسونال مسج

اعود لاكمل الكتابة

وقبل ان ابدأ في كتابة شئ احمد الله كثير الحمد ان والد احمد الدريني السيد محمد الدريني خرج بالسلامة من المعتقل

لاني معتقدش اني كنت هعرف اكتب البوست ده وهو لسة جوا

اه انتوا لسة متعرفوش الحكاية

انهاردة عيد

عيد ميلاد مدونتي

زي انهاردة من سنة كاملة كنت قاعدة هنا بردو وبكتب بوست

شوفوا الايام عدت بسرعة ازاي

ياسلااااااام ياولااااد

بس استغربت اوي لما فتحت ولاقيت اول بوست لامعرفة فيه نفسي ولا كاتبة مقدمة والا اي حاجة

انا ابتديت ببوست موضوعه عابر

بس ماعلينا

كنت دايما بقول زمان لواحد صاحبنا الله يرحمه

مش مهم احنا ابتدينا منين ...المهم احنا رايحين فين

كان بيضحك لانه عارف اني لاعارفة بداية ولا نهاية للحياة اصلا لاني كنت لسة مش جتها

بس عشان كدة دعوني اتغاضي عن البداية وابص انا رايحة فين

هلاقيني مش عارفة انا ابتديت كدة ليه ولا عارفة انا رايحة فين

اقولكوا سبنا من موضوع البداية والنهاية

خلينا في عيد ميلاد المدونة

معلش يبنتي ملحقتش اجبلك تورتة وشمعة

لاني افتكرته بالصدفة

وكنت بصراحة مش مستعدة لان اليوم بادئ من اوله شديد الالم علي نفسي

اوله احمل رفات الذكريات وادفنها حيث لارجعة

نعم اضطررت لقطع علاقتي بشخصية ما

قد تكون شخصية قميئة

احم احم نغير لفظ قميئة ده بناء علي طلب الجماهير

شخصية زباااااااااااالة

بس بردو اتضايقت وانا بعمل كدة وخلاص



طب الظاهر ان ابويا جه وهضطر اقفل مؤقتا لانه بيناديني




وهعود للكتابة ثانيا في يوم عيد ميلاد مدونتي
ابقوا معنا بعد الفاصل


رجعت بعد ساعتين اهو والساعةن دلوقتي 11


اصلي بصراحة اتكلمت مع بابي شويةوشكرته جدا علي النسكافية لحلو اللي هو جابه وهو قاللي متستاهليش
قلتله اهو جه وبشرب فيه وخلاص بقي،كان بيقلب في النتيجة هو ميعرفش عيد ميلاد مدونتي بس وهو بيقلب قلتله الحدث الهام فاضل عليه 17 يوم.... بصلي وقاللي لا انا بشوف العيد جاي امتي؟
قلت بيني وبين نفسي علطول كاسفني كدة
ماعلينا
بعدها بقي كنت بردانة موووووووت فقررت انام


وصحيت علي تليفون حد من صحابنا


بيسالني علي رشا لان احنا قلقانين عليها من الصبح عشان مش بترد علي تليفونها


المهم رجعت اكتب تاني بس المرة دي مش معايا شوية لب


معايا طبق عدس قاعدة بنقنق فيه وانا بكتب


اه صحيح اتفضلوا ياجماعة البيت بيتكوا والله


ماعلينا


بصراحة مش عارفة اكتب ايه؟


بس قبل مانولع شمعاية علي راس التورتاية اللي جابوها الحبايب


ممكن اكتب بس عن احداث اليوم انهاردة بما انه يوم تاريخي


انهاردة سمعت احلي كلمة ممكن اسمعها من صديق عزيز عليا


  • اتأثرت اوي عشان عرفت ان دودو صاحبتي قربت تسافر
  • قابلت اصحاب مدونة دبدوب وقلب احمر وخلينا اخوات وبصراحة سعدت بمقابلتهم


  • اتألمت جداااا عشان حد من صحابي عنده امنية مش عارفة ممكن تتحققله ازاي بس معرفتش اعمل حاجة غير ابص للسما واقول يارب ابعتله كل حاجة تفرحه اوي اوي يارب


  • و علي صعيد آخر كان نفسي بس اجي بدري شوية في الاحداث اجي حتي عشر دقايق بدري في مدة الفيلم


لاني كان نفسي ازايد علي الاحداث واغيرها واقنع ناس باشياء ما


بس القدر جابني متاخر لاحضر انكسار احلام وحجات سخيفة تانية


اده بقي احنا شكلنا كدة هنخش في جو نكد


اقولكوا باختصار شديد


وبرغم كل شئ


انهاردة كانت محاولة حياة


خلاص خلصت كلامي


يلا ولعوا الشمعة


سنة حلوة يامدونتي


سنة حلوة يانا كدة ومفيش غير كدة عندي


سنة حلوة ياجميل

سنة حلوة ياجميل


هففففففف


طفينا الشمعة خلاص


حد بقي يولع النور


ايه النور قطع؟


يالهووووي


طب وهنفضل في الضلمة دي لحد امتي؟


امممممم


عالعموم الفجر جاي


هيطلع وينور الدنيا


بس يارب بقي ميتأخر
__________________________________-
في النهاية اود ان اتوجه بالشكر الي كل اصدقائي الذين كانوا سببا في سطر معظم سطور مدونتي
شكر خاص الي مساهمات الاصدقاء في الصور
نها فكري عن صورتها لبوست ادينا بنهرتل ورانا ايه؟ وامتي تتغير نظرتك للموقف ؟ ول تشعر بنقص في مشاعرها
احمد حربية عن صورته لبوست ننسي اللي فاتنا ونعيش حياتنا
والاخير اللي عمال بيحبلي في مصر وطلب مقولش اسمه عن صورته لبوست الصباحات المعذبة "فوضي الحواس وصورته للبوست ده محاولة حياة ..سكوت بنصور
واللي بحذره عالهوا لو اتريق عليا تاني انا او صاحبتي هعلن عن اسمه في قلب المدونة هنا
واخيرا شكر متميز جداااا للشخص الوحيد الذي استطاع فهم مغزي اسم مدونتي مقارنة بشخصيتي

الاثنين، 23 ذو القعدة، 1428 هـ

فقط ...حين اتلاشي

سألني متي يحدث........؟

اجبته بابتسامة واثقة فقط حين اتلاشي ياسيدي

قال لي ومتي تتلاشين؟

قلت له في شئ من اللامبالاة ان الانسان يستحيل ان يتلاشي


فمهما انتهي تبقي ذكراه ..احداث عاشها ...سطور سطرتها الامه واحلامه