الثلاثاء، ٣٠ رمضان ١٤٢٩ هـ

كي تعرفوا انكم لن تعرفوا

عندما اجتمع الموناليزا والغريب والفتاة ذات النزعات الماريزية في حلمي
خفت ..خفت بشدة
طمئنتني الموناليزا
اخبرتها عن خاتم تصمم الفتاة ذات النزعات الماريزية ان تعطيه للغريب
طمئنتني مرة اخري
لم تكن الموناليزا تعلم معني الخاتم في حلمي
وقررت انا ان اترك الحلم سريعا
لم اطق انتظار رد فعل الغريب
ورحلت دون ان اعلم هل اخذ خاتمها ام لا ؟
_____________________________
لعبت هي دور المتهم
وضعوها في القفص وقبلت
تجمع الناس من حولها ليلقوا اتهماتهم وادانتهم
جاء من يملكون نوايا حسنة
ليروا تجمع هائل من الناس يحاولون حساب مجرم
فساعدوهم بأقصي مايستطيعوا من قوة
لايعرفون من المجرم-المتهم-هذا ..لم يفكروا في تداعيات اجرامه
فقط هم يسعون في الخير
ويحبوا يخدموا بردو والناس لبعضيها
_____________________________
تعبت من حقيقة يطعن فيها الجميع ويحملوها بالشك
لذا فهي بعد الانهاك النفسي والجسدي ستضطر ان تقبل بأي كلام مقنع لمجرد انها تريد ان تضع حدا للحكاية
وقد يحترق قلبهم عندما تخبرهم انها تصدق كلامهم المقنع ولكنها في نفس الوقت مازالت تحبه وستبقي تحبه
مازالت تحفظ الذكري ..ومازالت تجيد اعطاء الحق لصاحبه
هم -قطعا- لايعرفون معني ذكري قد تدفع عمرك كله لتدافع عن نزاهتها
لا عرفوا ولا هيعرفوا
________________________________
قلبي يحدثني بانك متلفي ..قيدك ادمي معصمي
اما انت فلن يتلفك سوي ادائك
الاداء الاداء وانه قسمااا دائك ودوائك
_____________________________
نقمتها تتمثل في الذكاء والاحساس
الان وقد تم اغتيال احساسها بأبشع الصور
لن تنظر وراءها او تعود لتعرف اذا مااخذ الغريب الخاتم ام لا
لن تقبل ان تدخل تلك الدائرة وتقول لافرادها :ممكن تدمروني ؟
لن تنظر خلفها ..لن تحاول ان تحكم علي افراد الدائرة
فحتي لو كل افراد الدائرة ملوثين وبينهم شخص لم يتلوث بعد
سيأتي يوما ويصبح مواطن بدرجة ملوث مع سبق الاصرار والترصد
في النهاية يبكي ذكاءها مما يحدث فيضطر اخبارها ان كل الاحاديث مابتفيد
لذا ستقوم وتصرخ في الجميع
ايها المارون في الكلمات العابرة
احملوا أسمائكم وانصرفوا
وأسحبوا ساعاتكم من وقتنا ،و أنصرفوا
وخذوا ما شئتم من زرقة البحر و رمل الذاكرة
و خذوا ما شئتم من صور،
كي تعرفوا انكم لن تعرفوا
ستحين منها شهقة الم ثم تكمل صراخها
ايها المارون بين الكلمات العابرة
منكم السيف - ومنا دمنا
وعلينا ما عليكم من سماء وهواء
فخذوا حصتكم من دمنا وانصرفوا
وعلينا ،نحن، ان نحرس ورد الشهداء
و علينا ،نحن، ان نحيا كما نحن نشاء
ثم تنهي كلامها من وسط بكائها وشهيقها
ايها المارون بين الكلمات العابرة
لنا ما ليس يرضيكم ،لنا المستقبل ولنا في ارضنا ما نعمل
ايها المارون بين الكلمات العابرة
كسروا اوهامكم في حفرة مهجورة ،وانصرفوا
لنا ماليس يرضيكم ،فانصرفوا
الكلام بالاحمر من شعر العظيم محمود درويش عابرون في كلام عابر

امس انتهينا

الي من يبنون سعادتهم علي جثث الموتي
ستأتي يوما وتتهدم

الاثنين، ٢٩ رمضان ١٤٢٩ هـ

إلي موناليزا 2..واني احبك جدا

وسلاما لقيد أدمي معصمي

حواديت

كعادته لايتحدث معي الا اذا كان لديه حلم يريد تفسير رموزه
دائما احلامه جميلة في ظاهرها مؤلمة في تفسيرها ورموزها
لذا فكثيرا مااكذب في تفسيرها لاجعلها اجمل مما هي عليه في الحقيقة
لاالوم نفسي علي كذبي ..فالم قادم دون انتظار اخف كثيرا من الم ننتظره طويلا
______________________________________
اخبروها انه لايجوز اجتماع ملاك وشيطان
وكانت هي يستهويها فعل اللاممكن
صاحبت الشيطان
حاولت عبثا ان يحبه الناس
بررت افعالها قائلة: لاضرر من اجتماع ملاك وشيطان
لانه لا يوجد في التاريخ شيطان انتصر علي ملاك
قد تكون محقة في ذلك
ولكنها نسيت ان الملاك اذا قرر يوما خوض الحرب فسيتألم سواء كان جارح او مجروح
ووقتها يبقي الهزيمة والنصر لديه سواء
_________________________________
عندما اخبروها ان عينيها تلمع بالذكاء ..فرحت كثيرا
مع الايام تبدلت فرحتها بالحزن
فلقد فهمت من الامور اكثر مما يجب ..وقرأت في العيون اكثر مما يحتمل
اصبحت الان تقضي ليلها باكية
تلخص قصتها في كلمتين
اقتربت فاحترقت
_________________________________________
تفكر كثيرا في اسباب كافية لتقنعه بالعودة للحياة
تدور في دائرة مفرغة ولاتعرف الحل
تقرر ان تحب الحياة وتعشقها
ثم تذهب اليه وتخبره علي استحياء " لسة الحياة ممكنة"
ويصرخ كل شئ فيها
ممكن تصدقني بقي ؟
___________________________________
يسألها الكثير عن عبقرية مخرج نازي..من اين اتت ؟ او مامعناها؟
تراوغ دائما في الاجابة
دائما اجابات مقنعة ولكنها غير حقيقية
لاتلوم نفسها ولا تهتم بحيرة السائلين
لان اجابة السؤال الحقيقية لن يعرفها سوي شخص واحد
ان استهواه فضوله يوما وسألها
_______________________________
اخبروها ان لديها روح المقاتل حتي النهاية
ولكنهم لم يخبروها عن الم الحروب وانهاكها
لم يحذروها من تلك الشظايا التي تدمي الجسد
التمست لهم العذر فلقد راهنوا علي حبها للحياة الذي سيسمو بها فوق كل الم
وسيجعل جسدها الدامي ينتصر

الأحد، ٢٨ رمضان ١٤٢٩ هـ

دلوقتي ليه جاي تقولي ..واعملك ايه طب متقولي ؟


ومقلتليش من الاول ليه ؟


عاللي انت مش قادر تنساها


شوف السكات وصلنا لايه ؟


بهواك انا وانت بتهواها


دلوقتي قولي هنعمل ايه ؟..احنا التلاتة هنعمل ايه؟


هنعمل ايه ؟..هنعمل ايه؟


وازاي يرضيك ظلمك ليا ؟..لما داويت جرحك فيا


بقي جاي تصارحني من بعد مااصبحت اغلي شئ ليا


قاصد تريحني ولا انت جيت عشان تشوف دمع عنيا؟


دلوقتي ليه جاي تقولي ..واعملك ايه؟ طب متقولي


طيب


طيب ياقلبي طيب ..طيب وانا فكرت بعدك هعمل ايه ؟


طيب ..وجرح قلبي طيب


وجرح قلبي ازاي انا هقدر عليه ؟


اداوي جرحي بحب تاني واخدعه؟ ..ولما يصحي الماضي فيا اودعه


ومقلتليش من الاول ليه ؟

عاللي انت مش قادر تنساها


شوف السكات وصلنا لايه ؟


بهواك انا وانت بتهواها


دلوقتي قولي هنعمل ايه ؟


احنا التلاتة هنعمل ايه ؟..هنعمل ايه؟


مع تحيات عبقرية مخرج نازي

السبت، ٢٧ رمضان ١٤٢٩ هـ

مسألة مبدأ


وازاي نار تحرق في القلب ونفضل كدة ساكتين؟

وكل شئ بينسرق مني ..العمر من الايام ..والضي من النني

كل يوم بتموت حتة مني
وكل يوم لازم حد يلعب دور القاتل
وكأنني منذ ولادتي ..هناك مجموعة من القتلة كل مختص بقتل قطعة ما مني
جميعهم يختارون الوقت الاشد ايلاما
ويقتلون ثم يجرحون !!!!!!!
عندهم تخلف في ترتيب تداعيات الالم..لماذا كل القتلة اغبيا ؟
لااعرف
علي أية حال مالجرح بميت بإيلام
كل يوم بيقطعوا حبل من الحبال اللي بتربطني بالحياة والدنيا
عايزة اعيش ..عايزة افرح ..حتي ولو اللي لسة عايش مني جزء بسيط اوي
هعيش وهكمل الحياة بيه
احب الحياة رغم كل شئ ..تستهويني دائما صرخة الحياة
اه ..نسيت ان ارسل سلامي لعبقرية مخرج نازي

الخميس، ٢٥ رمضان ١٤٢٩ هـ

إلي متي؟


وكأن كل الطرق تؤدي إلي الخطيئة المزمنة ..حقا انها عبقرية مخرج نازي

في رحيلي لااشبه احدا




ان اخبرتك يوما عن رحيلي وبلغتك سلامي


فلا تصدقني


سأبلغك السلام وساكون صادقة فيه وسأرحل بالفعل


ولكن دائما ستجدني عائدة بسبب تلك التفصيلة الصغيرة


تسألني ماهي التفصيلة الصغيرة ؟


اخبرك اني لم ادركها بعد


فهي كل مرة تأتي متنكرة ..متأقلمة وفقا للموقف والاحداث


ولكني علي اية حال احبها لانها تجبرني علي العودة كل مرة بعد الوداع


اممم لاتقلق ياسيدي


فسيأتي يوما يصبح الرحيل محتما


ولكني في رحيلي لااشبه احدا


لن اخبرك السلام ..لن اوصيك خيرا بنفسك


ففي لحظة وداعي الحقيقية سأرحل في صمت


ستظل فترة لابأس بها من الوقت لاتشعر برحيلي


لاني سأنفق الكثير من حيلي لتشعر اني مازلت هاهنا


وسأخفي عنك ان كل الطرق تؤدي الي الوداع ..طال او قصر الزمن

لماذا ؟




وخلفت هذه الصديقة هنا عند سور الحديقة ..علي مقعد من بكاء

الأربعاء، ٢٤ رمضان ١٤٢٩ هـ

مأثر فيا

مأثر فيي وبعنيي شوي شوي عليي ..
ساكن فيي وحوليي بقلبي وبروحي ..
لا ما بدي منك وردة .. بدي بالحنييه ..
ضلك حدي تدفي بردي .. تنسيني جروحي ..
فرحان جن ..حبك حب جنون ..
فزعان صير خيالك وين ما تكون ..
فرحان انسى عيوني .. وانت تإشع بعيوني ..
فزعان تإلي كون .. وما تكون ..
تحكي عني .. بتعرف إني .. كلماتك رح غني ..
نظرة منك .. بتجنني .. بتحلي حياتي ..
أنا يا عيدي اخترتك عيدي .. بدي قربك مني .
.دنيي جديدة .. ياخد ايدي .. دموعي وبسماتي ..

!!!!!!!!!!!!؟؟؟؟؟؟؟؟؟ ؟!!

اخبرني الكاهن ان حياة الغريب مسئوليتي
تلعثمت ..ترددت ..بررت
تظاهرت بعدم الفهم
اخبرته عن عبقرية مخرج نازي
رد بحزم :سيدتي لاتملكين اي اعذار او مبررات
انه قدرك

نظرية الخطوط الحمرا

مليش عداوات ..وبردو مليش صداقات قوية
وده لاني اصلا مش متحققة في اي علاقة
بتيع سياسة التجنب او عدم تخطي الحدود الحمرا
فمبيبقاش في تعامل اصلا ..مفيش استهلاك للعلاقة..عشان كدة مليش عداوات وعندي صداقات كتير وهمية
عمري مبقيت فيها انا
وعشان كدة كل واحد بيفهمني غير التاني خالص
وده مش لاني غامضة ولا شخصية معقدة ..خااالص
بس ده عشان انا اصلا مبتعاملش ..مبستهلكش علاقة قائمة ..وارد فيها نختلف ونتخانق ونتصالح او منتصالحش مش هتفرق
مش لازم علاقاتنا تقترن بالخلود يعني
مفيش حد عرف يفهمني بجد غير شخص واحد بس
انا كمان عرفت افهمه ..بس ام نظرية الخطوط الحمرا بهتت عليا
فعملت تشوش في الاداء ..وكانت النتيجة:
"اسمعيني انتي مبتسمعنيش ..عيبك انك بتكمليلي كلامي وعمرك مكملتيه صح
وطبعا لو جيت يوم ودافعت عن نفسي وقلت :اصل والله بابقي هقول كلام وبيتقال عكسه خالص
او لو قلت ان في مشكلة في ترجمة الحجات اللي جوا
هيتقال عليا مجنونة
اده ! ايه الكلام الكتير اللي انا بقوله ده ؟
ماعلينا خلينا في المهم
-:انا كنت جاية اقول
(سلامي لعبقرية مخرج نازي)

الثلاثاء، ٢٣ رمضان ١٤٢٩ هـ

ايه اللي بيحصل ده ؟..ايه البواخة دي ؟

يعني الواحد امبارح كان مكلف دماغه ..ومستريح ..,بيحلق في السما السابعة
وكل معلوماته عن الدنيا انها لسة بخير
وعنده شحنة تسامح وشحنة تفاؤل
كان حاسس انه عايز يمسك ايد كل البشر اللي حواليه ويروحوا يبنوا ويعمروا ويعيشوا الحياة
كان شايف الارواح جميلة وذكية قادرة علي الحياة
بذمتكوا مش حرام اني اخرج من الحالة دي فجأة كدة
انا مالي ؟؟؟؟؟؟
مين ؟..بيعمل ايه؟..فين؟..وازاي؟
انا ذنبي ايه ؟..حد علي سهوة يعطيني قبلة اليأس
انا واحدة عايزة تعيش مع القمر والنجوم
عايزة اقعد اكلم ربنا ويسمعني
اشتغل واعمل حاجة حلوة في شغلي
يبقي عندي علاقات انسانية لم ولن اشبه فيها احد
اركز مع نفسي وبس ..مليش دعوة بال70 مليون مواطن مصري المحيطين بيا
حرام يعني ؟

الاثنين، ٢٢ رمضان ١٤٢٩ هـ

قرار رقم 007

قررنا نحن اصحاب مدونة انا كدة ومفيش غير كدة عندي (فحسبي ان ابوح لوجه البوح لااكثر)
الافراج عن كل الشطور الحبيسة والدرافت
علي ان يتم ذلك في فترة لاتتعدي الثلاثة ايام
شعارنا :ليه تبقي تسجيل او عالهوا لما ممكن تبقي انت زي متكون وخلاص متقرفناش بقي
واخيرا سلامي لعبقرية مخرج نازي

إلي موناليزا

وسلامي لعبقرية مخرج نازي

السبت، ٢٠ رمضان ١٤٢٩ هـ

stop here

انا ماشية
رايحة ادور علي حاجة تفرحني
هرجع هنا تاني ..بس لما يبقي معايا حاجة حلوة اكتبها واحكيها
زهقت من الالم والحزن

علي الصداق المسمي بيننا ..وانا قبلت

دائما يستهويني ممارسة اللعبة
يغويني ممارسة الدور
عيل صغير عمل صوابعه كدة اهو مسدس وقال صاحبه طريخ طراخ ..قام صاحبه طاوعه وعمله ميت واهله قالوا ده طخه طاخ
he wore black & i wore white
he would always win the fight
he shot me down ,, i hit the ground
اعتبر المعاني السلبية المجردة ..لعبة مجرد لعبة
الكراهية مجرد لعبة ..العبها واصمم ان يكسبها من يكره
الغدر والخيانة ايضا مجرد لعبة ..اوافق علي لعبها ولابأس من ان يكسبها الخائن
ولانها مجرد لعبة فهي لاتسبب لي الجراح
ولكن ..لااريد ان احرم من قرر ان يلعب تلك اللعبة من مظهري وانا مجروحة
لا بأس من بعض الماكياج الذي يوحي اني متلونة بدماء الجراح
اقدر علي ممارسة تلك الالعاب واتغاضي عن مكسبي فيها
ولكني لااقدر ان احول تلك المعاني السلبية المجردة الي حقيقة
اقدر علي دخول اللعبة ..ولكني لااقدر علي دخول صراع
عقلي لايستوعب معني كلمة صراع او انتقام
خيانة ..غدر ..كراهية ومن ثم صراع وانتقام
جميعها معاني تنتمي عندي لعالم "العاب اصمم علي خسارتها علي طول الخط"

الخميس، ١٨ رمضان ١٤٢٩ هـ

حزن في ضوء القمر


كادت ان تفتن بلون دمائها

فأشعة القمر الفضية تزيد لونها سحرا


وقتها تمنت لو تمتلك وردة بيضاء لتلونها بدماء نزيفها

وقتها تمنت ان يبقي القمر فقط ليرسل لها اشعته الفضية

في خضم امانيها تذكرت انها لم تمتلك وردة بيضاء من قبل لتبقي كما هي او تلونها بدمائها

ورحل القمر ..ورحل معه سحر لون دمائها

وفي آخر الامر ..بقي لها الالم ونزيف حتي الموت


العنوان لديوان شعر محمد الماغوط
والصورة للفنانة كريمان زمزم -نانا اختي-
ملحوظة :هي رسمتها مخصوص عشان البوست ده
شكرا بجد يانانا

لم تنتصر لتموت ..ولم تنكسر لتعيش

قالوا :لاتخدش الشئ المخبأ هاهناك
ولكنها لم تستمع لهم ..لم تكن تملك سوي ان تخوض الرحلة
فلديها عقل يتوق للمعرفة .. اظنه لم يتوقف لحظة عن التفكير
ولديها فضول قد يقتلها يوما ما
كانت تعاني من نكبة شكها مختلطا بيقينها
ذهبت وخدشت ووصلت ورأت كل شئ
ظهرت لها الحقيقة لتعري أشياء كثيرة
هل اخبرتكم من قبل انها تكره العري ؟..وانها في سبيله قد تتمسك بالوهم
بعد المعرفة وظهور الحقيقة ..اسدلت الستار علي الاحداث
وقررت ان تصمت للابد
وكأنها لم تذهب ولم تري
يستوي عندها الجهل والمعرفة ..ويصبح كلاهما في الحسم سواء

الأربعاء، ١٧ رمضان ١٤٢٩ هـ

he shot me down, i hit the ground

I was five and he was six
We rode on horses made of sticks
He wore black and I wore white
He would always win the fight
Bang bang, he shot me down
Bang bang, I hit the ground
Bang bang, that awful sound
Bang bang, my baby shot me down
Seasons came and changed the time
When I grew up I called him mine
He would always laugh and say
Remember when we used to play
Bang bang, I shot you down
Bang bang, you hit the ground
Bang bang, that awful sound
Bang bang, I used to shoot you down
Music played and people sang
Just for me the church bells rang
Now he's gone I dont know why
Until this day, sometimes I cry
He didn't even say goodbye
He didn't take the time to lie
Bang bang, he shot me down
Bang bang, I hit the ground

وتلحفت الفضاء

اكره القمر بدرا


ولكن كلما التقيت به في السماء


وقفنا لنتحدث علي استحياء


الي ان انقطع التيار الكهربائي اليوم في مسكننا


واستلقيت ارضا متلحفة بالفضاء


الدنيا ظلام وهو مصدر الضوء الوحيد


انا وهو وجها لوجه


ولانه لايوجد غيرنا ولا يوجد ماافعله في تلك العتمة


تحدثنا طويلا


حاول القمر ان يحل الخلاف القائم بيني وبينه


ولكن هيهات


لدي اعتقاد انه عند اكتمال الاشياء نهايتها


ومااكتشفته هو علاقتي بالقمر بدرا


فعند اكتماله ينتهي ويقرر ان يكتب نهاية شيئا ما يمت لي بصلة


كل مرة عند اكتماله كنت اسأله ساخرة ..ماذا ستأخذ مني اليوم ياقمري


كان دائما يقرر نهاية اشياء مهمة للبشر ولكنها لاتمثل اي شئ لي


لذا كنت اودعه كل شهر بابتسامة


الي ان جاء يوم وقرر....
ملحوظة هذه التدوينة تم حفظها كدرافت ولم اكملها لسبب لااعلمه بعد

الثلاثاء، ١٦ رمضان ١٤٢٩ هـ

كم انتي قوية ياصرخة الحياة

آه كم انتي قوية ياصرخة الحياة
من فضلك ايها الالم ...ارحل
فانا حقا اشتاق للصراخ
اشتاق ان اصرخ صرخة الحياة
ارحل ولا تطمح ان تأخذني معك
فأنا مازلت احب الحياة ..اقدسها ..اعلم قيمتها جيدا

آخر كلماتي ..عشان تعبانة مش قادرة غير اني اسكت

الآن فقط لن استطيع هذه اللعبة العبثية
اشعر بالسخط الحقيقي ولا جدال
والتمس للحياة العذر ..فهكذا يكون منطق الحياة
فالاحداث المأسوية لابد لها من نهاية مأسوية منطقية
وحتي تكون الحياة اكثر منطقية
فلتأتي بمأساة جديدة والم لم اتجرعه بعد
اما الصراخ من الالم فلا يجوز حتي لايكتمل بالشفقة
كثيرون هم من يقدرون علي حمل مشاعر الشفقة في اي مكان واي زمان ولاي فرد في الحياة مهما كان
فقط اتحدي الالم ..اسخر منه
واذا كان المنطق عنوانه ..فانا املك اللامنطق بكل ماتحويه الكلمة
افتخر بكوني لامنطقية
رغم انني ..
العن ذكاء-او غباء - كان نقمة جعلني اعرف اكثر مما يجب ..واشعر اكثر مما يجب
انه حقا شئ مقزز ان تعرف وتشعر اكثر مما يجب
الاقتراب دائما يمكنك من مشاهدة التفاصيل ..وفي التفاصيل الصغيرة قد يظهر الجمال وقد يكون اول خطوة لك لمشاهدة القبح في مكان ما علي وجه البسيطة
لاابالي كثيرا بالالم ..لاابالي كثيرا بما يحدث
فقط اريد ان اكون انا ..الايفقدني الالم ذاتي
لااريد ان اتواطأ معه علي نفسي ..اعلم جيدا انه قادر علي ان يفقدني اياها
ولكن يتملكني عند وتحدي رهيب تجاهه
فالالم دائما يحافظ علي خواصه ..يحافظ علي كينونته
وانا امامي حرب ايضا لاحافظ علي نفسي واحافظ علي كينونتي
لن اتواطأ مع الالم حتي يرحل
فليسكنني ولكنه لن يغيرني
كفانا ياالم من تلك اللعبة العبثية
لم ولن اتغير ..سأبقي اميرة بوجودك وعند رحيلك

عندها سيكون الصمت الابدي هو الحل

هل انتهيت من حديثك ياسيدي؟؟؟
نعم ..انتظر رؤيتك للموضوع ورأيك في حديثي ؟
امممم لاادري حقيقة لاادري
ولكن ...
هل من الممكن ان تعطني فرصة مشاهدة ال47 فيلما الذين امتلكهم علي حاسبي الشخصي ؟
فقد التقي رأي او كلمة عابرة ترشدني للرد علي حديثك
او قد اقابل بطل يشبهني ..يمتلك قصة مثل قصتي..اقلده في كلامه واداؤه
استنجد به ليعطيني بعضا من كلامه ارد به علي حديثك
وان لم تجدي كلمة او تقابلي بطلا ؟
عندها سيكون الصمت الابدي هو الحل ياسيدي!!!!

الاثنين، ١٥ رمضان ١٤٢٩ هـ

كنت هموت

حاسة الشم لدي ضعيفة او تكاد تكون منعدمة
ومع ذلك فأنفي تستطيع ان تشم روائح معينة لايستطيع احد غيري شمها
لاادري كيف
ولكني اشم رائحة عطر التوت-العطر الوحيد اللي بحبه- من علي بعد 65332كيلو
واشم رائحة اشخاص معينة ايضا من علي بعد
لدرجة انني لو دخلت مكان كانوا فيه ..اكاد ان اجزم من الرائحة ان فلان او علان كان هنا منذ قليل
بس في المقابل بقي انا ممكن حلة الاكل تتحرق وانا واقفة ادامها ومش شامة ريحة الشياط
عادي بقي ماهي حاسة الشم عندي ماشية بمزاجها
انهاردة كنت قاعدة في بيتنا عادي ولااستشعر اي خطرا
لحد مالاقيت ابويا داخل البيت بدري علي غير العادة -اكيد عشان كان ربنا مش عايزني اموت-وبيقول ان في ريحة غاز جامدة اوي
ونفتح في الشبابيك والابواب والبلكونات
اتاري بقي الغاز الطبيعي الجميل الامور بتاع شقتنا قرر يتسرب انهاردة وانا قاعدة بالصدفة في البيت وطبعا مش شامة حاجة ..كنت حاسة اني دايخة اوي بس
و..و..
كنت هموت وانا مش عارفة

السبت، ١٣ رمضان ١٤٢٩ هـ

احترم المصائب ولكن ...

معنديش مشاكل بجد في اي حاجة تحصل
بس يبقي في تمهيد قبلها ..الواحد يعمل حسابه ..يرتب نفسه
يعني يجري ايه لو مصيبة جيالي في الطريق ..تقلبلي نور ولا تديني اشارة؟
بلاش تقلب نور يمكن مش راكبة عربية ..تخبط عالباب
بلاش يمكن مش شايفة الباب ..تقول دستووور ..يااهل الله يالي هنا
انا بجد مش معترضة علي اي مصيبة ..انا بحترمهم جدا وهما علي راسي من فوق..
انا بس معترضة علي طريقة ادائهم وهما داخلين عليا

اتوبيس كام ؟؟..بيروح فين ؟

فجأة الصورة اتهزت ادامي
ومبقتش شايفة اي حاجة خالص ادامي في المشهد
الضباب يحيط بكل شئ
الاشخاص كثيرووووون جدا امامي ..جميعهم متداخولن ومتشابكون ومختلطون
لاادري بماذا اختلطوا ؟..ولكنهم اختلطوا بشئ حجب عني رؤيتهم
في وسط كل هذه العتمة..عفوا اقصد الاجواء الضبابية
لازلت اري 5 أشخاص بوضوح ..يلتقطهم احساسي ولا تراهم عيناي
احمد كامل يقف بعيدا ولكني اراه بوضوح
دعاء سيدتي الجميلة تعاني قليلا ولكنها مازالت قادرة علي رسم الابتسامة
ماما مها ..تطمئني بنظرة من عيناها
واثنان آخران لااود ذكر اسمهم..ولكنهم هاهنا يلتقطهم احساسي
اما مني فهي خارج المشهد ..بجانبي
اشد علي يدها وتشد علي يدي
نتحدث طويلا في صمت ..ونحاول ان نري شيئا من مشهد مشوش
ستحين منا التفاتة للسماء
فيجذبنا صفاءها ..انسي كل شئ بالحديث مع نجمتي وتنسي هي أيضا كل شئ عند اكتمال البدر
بعد كدة انا هروح اتفرج علي مسرحية العيال كبرت وهي كمان هتروح ومش هعرف اطمن عليها عشان هكتشف ان رصيدي خلص
وانتوا هتفضلوا هنا ..مش فاهمين حاجة من اللي انا كاتباها
لأن انا نفسي مش فاهمة لا مؤاخذة

الجمعة، ١٢ رمضان ١٤٢٩ هـ

وارضي بكل اللي بيتقسم ..ده المكتوب مكتوب :(

هناك حقيقة مروعة ...ضلت الطريق
ولكنها ستأتي ..حتما ستأتي
امم كيف سأستقبلها؟
حسنا حسنا سأكون لامبالية
ولكنها ..ولكنها مؤلمة جدا .. اممم حسنا سأبكي
لا لا ..سيسألني الناس عن دموعي ولن اقدر علي اجابتهم
حسنا ..سأمثل السعادة
ولكن مهلا ..ستخونني ملامح الالم وستظهر سريعا علي وجهي
اووووووه لايهم كيف سأتلقاها..فليكن مايكن
فقط سأدعو الله
الا اموت قبل مجئ الشتاء
اشتاق للمطر كثيرا يالله
لاتمتني قبل ان اراه

هرتلات فتاة لاتؤمن بوجود النهايات

حسنا ..هاهي هنا من جديد
تصمم علي تقييم الاشياء في الوقت غير المناسب
مسكينة هي ...لم تر في حياتها نهاية لأي شئ ..لذا فهي تختار اوقات عشوائية للتقييم لانها لاتملك النهاية
لاتذكر كم من الافلام التي اخرجتها ولكنها تذكر جيدا تتر النهاية الذي كان يظهر علي الشاشة في اي وقت
والسبب انها دائما وابدا لاتملك النهايات
عندما اخبروها بموت جدتها ..لم تصدم رغم انها كانت تحبها حبا شديدا
لم تبكي ولم تحزن ..لا لا انها بكت قليلا لتستحق لقب حفيدة بارة
ولكنها انتظرت عودتها ..ولم تعد حتي الآن
جدها ايضا مات ...ولكنها تفاءلت خيرا
فرحت سرا وقالت ذهب جدي لجدتي وسيعودان سويا بعد قليل
عندما بكت طول الانتظار ...جاءتها جدتها في احلامها
سلمتها ذهبها معتذرة -في الحلم يرمز للهموم-..اخبرتها انهم سيتقابلون في الجنة ..اوصتها بقراءة القرآن
ولكنها لم تعقب علي قناعات الحفيدة بشأن النهايات واكتفت بابتسامة عذبة
ظلت الحفيدة تنتظر ..وعندما اشتدت بها مصائب الدنيا
كان دور الجد ليأتي هو ايضا في احلامها..قرأ معها سورة الضحي
وتردد صدي الاية "ولسوف يعطيك ربك فترضي"
تركها الجد - علي وعد بلقاء في الجنة- دون ان يشير ايضا لقناعاتها بشأن النهايات
اعطاها ربها وارضاها
ولكنها مازالت فتاة تهوي التقييم في الوقت غير المناسب ولاتملك النهايات لانها لاتؤمن بها
فالنهاية دائما هي بداية جديدة لشئ ما لا تعلمه
لذا فهي مع كل صدمة ..ومع كل نهاية يراها من حولها
تعود هي من جديد لتبدأ ..وتصبح هاهنا

الأربعاء، ١٠ رمضان ١٤٢٩ هـ

المجد ..لأشياء تقتلنا

افكارنا ..احلامنا ..احساسنا ..معرفتنا ومن بعد ذلك افعالنا
جميعها أشياء تقتلنا
افكارك ستجعلك تملك مفاتيح الباب ولكنك لن تفكر بالاقتراب لفتحه
احلامك ..ستجعلك تجري وراءها ولن تشعر بالشوك الذي ينغز رجليك ويدميك ولن تشعر بكم الاشياء التي تفقدها في طريقك
احساسك ..سيجعلك تظهر بمظهر الغبي ..الذي يتحدث بلغة الخزعبلات
اما معرفتك فهي التي ستقودك للجحيم ..فليس هناك شئ اخطر من ان تعرف اكثر من اللازم
وتبقي في الآخر افعالك التي لن تجيدها -وتصمم ان يفهمها الناس من حولك صحيحة- ولكنهم لن يفعلون لانهم اغبياء وانت اغبي لانك تعند ولاتريد ان تتعلم كيف تعبر
في نهاية الامر ستقرر ان تتواطأ مع افكارك واحلامك واحساسك ومعرفتك ومن بعدها افعالك
وتتركهم يقتلونك في هدوء
ولما لا ؟ وافكارك واحلامك واحساسك ومعرفتك وافعالك هم مكونات نفسك
الامر بسيط ..تترك نفسك لنفسك لتفعل بها ماتشاء
تحدثها بابتسامة ساخرة قائلا :
يانفسي خذي نفسي واقتليها بهدوء..ببطء شديد
وان بكاك الناس من حولك..ذكريهم ان قتيل روحه مبيتبكيش عليه
وان المجد كل المجد لتلك الاشياء التي تقتلنا

قدري


ارق علي ارق ومثلي يأرق

الثلاثاء، ٩ رمضان ١٤٢٩ هـ

رحمه الله

لم يكن بالصديق المقرب ..كان شخصا عاديا في حياتي ..هكذا كان يجب ان يكون
قابلته مرات قليلة ..وكانت ابتسامته دائما لغزا محيرا
فالابتسامة واحدة والمعني متجدد في كل مرة
في اللقاء الاخير -لم اكن اعلم بالطبع-انه الاخير
كنت انا شاحبة شحوب الموتي وكان هو متألقا وكأنه قد قرر أن يستمتع بآخر لحظات حياته
كان لقاءنا مصادفة وكان هو في عجلة من امره
لم يمنعني قصر اللقاء ومصادفته من تفسير ابتسامته وفهم الرحيل منها
فاستوقفته
وابتسمت انا ايضا
اوصاني خيرا به ..فاندهشت
وقلت له متجاوزة دهشتي .."بس احنا بعيد عن بعض"
قاللي ..هتعرفي تاخدي بالك منه وانتوا بعاد عن بعض اكتر من اي وقت تاني
الحديث بكامله كان حديث مثير للدهشة ..اتلقاه انا بحيادية مصطنعة
انهاه هو بتلويحة من يده وكلمة سلام
بعدها بعدة ايام تلقيت خبر وفاته
والآن تحضرني ذكراه بشدة
واتذكر لقاء اخير لم يدم اكثر من 4 دقائق
ووصيته لشخص لم يعرف حتي اسمه

الأحد، ٧ رمضان ١٤٢٩ هـ

يبقي حرام عليك لو مضللتهوش

العاصي لو جت عليه صلاة الظهر ووعظته ولم يتعظ
فلتوعظه عند صلاة العصر
فإن لم يتعظ وجت عليه صلاة المغرب
يبقي حرام عليك لو مضللتهوش ونصحته بالثبات علي ماهو فيه

السبت، ٦ رمضان ١٤٢٩ هـ

نبض قلوبنا البريئة ..أيامنا وذكرياتنا

في الرحلة ..في الطريق .صعب نقابل صديق ..حب بحق وحقيقي .إحساس ياخدك معاه
اصحاب انا وانت ولا..؟
فاكرين الماضي ولا.؟
ناسيين كل اللي بينا ولا طبع الحياة؟
فاكر بنت الجيران ..وشارع مدرستنا
الله علي صوت زمان. .نضحك ويعلي صوتنا
نبض قلوبنا البريئة ..ايامنا وذكرياتنا
ده سراب ولا حقيقة ..جوا زحمة حياتنا

إلي سمر ولميس والغائبة الحاضرة دائما "أمل "



آسف لم اعد استطيع

لايزعجها كم المصائب الي تجتاح حياتها
بقدر مايزعجها تلك الصباحات المعذبة
عندما تستيقظ من حلم تجيد تفسيره
وتتسارع دقات قلبها وتشعر انه يدق لقلبين
اليوم قررت ان تنتظر عدالة السماء
رفعت كفها لتدعو
لاتنتظر اشياء طيبة ..او حتي حلم يتحقق
هي تريد فقط احساس لها وحدها
تريد احلاما لها وحدها
تسعد او تحزن فيها لايهم ..المهم ان تكون لها فقط

الجمعة، ٥ رمضان ١٤٢٩ هـ

من حقنا نحزن

لست بقانط من رحمة الله فانت تعرف انها وسعت كل شئ
ولكنك تتمسك بحقك في الحزن ..في ان تعيش مأساتك كما يجب ان تكون
ليه تمثل الفرح ..وانت مش فرحان
وليه تحاول تتغلب علي حزنك ده...وكأن السعادة هي طبيعة الاشياء
وبعدين اكتر لحظات بتبقي محلق فيها او شفاف ..هي لحظات الحزن والمرض
بجد اللحظات دي بتخليك تدرك اشياء لم تكن تدركها من قبل
انت مش بتحتاج تسأل عن حجات كتير ولا بتحتاج تسأل عن ناس لان درجة حساسيتك بالاشياء بتبقي عالية جدا
درجة الفضول عندك تصل للصفر ..لأنك في الحزن بتلاقي نفسك عارف تقرا كل حاجة
بطريقة تلقائية بتلاحظ كل حاجة حواليك ..يمكن عشان درجة ذكاءك بترتفع ويمكن كمان عشان بتسكت اكتر مابتسمع
في الحزن لما بتيجي تتفاعل مع الناس اللي حواليك بتبقي علي طبيعتك اوي ..مبتحسبش تصرفاتك ومبتحاسبش نفسك وكمان مبتدورش علي ردود افعال
وده لانك مش بتخاف تفقد الناس اللي حواليك ..هما لو مش قابلينك علي كدة ومشيوا ..يبقوا هما مكانوش يستحقوا معرفتك في الاول
في الحزن ياما تعمل نفسك زي الحمار اللي داير في ساقية وتشتغل بذمة وتنجح وتتفوق، وانت اصلا مش مهتم اذا كنت تنجح ولا تسقط
ياما تنحاز لجانب المبدعين وتقول انا مش عارف اشتغل ياجماعة.. وطبعا في جميع الاحوال اللي مش عاجبه يخبط دماغه في الحيط
في الحزن بتحاول تتخلص من اي علاقة انسانية كان فيها شبهة عبء عليك
يعني مثلا لو واحد بيعدي عليك الصبح وبتقوله صباح الخير وانت متحامل علي نفسك ..لو جه عدي عليك وانت حزين هتتف في وشه وبكدة تخلص علاقتكوا ويادار مادخلك شر....ومثلا كمان لو واحد صاحبك افتكرت انه خنق عليك في ليلة منتصف ايلول الماضي فلازم تحاسبه دلوقتي وتتخانق معاه خناقة لرب السما وتخسره كمان وفي نفس الوقت بيبقي مناخ جيد ايضا لنشأة علاقة هشة ترسخ بمرور الوقت ..لانك بتبقي محتاج تغير ريقك علي ناس جديدة ..ميكتشفوش حزنك ويشفوك انسان طبيعي
في الحزن بتبقي دماغك عالية اوي ..وتعرف تهزر كويس وتبسط الناس اللي حواليك وتضحكهم
في الحزن بتقيم كل يوم محاكمة سرية لشخص مختلف..ممكن يكون كل ذنبه انك ملاقتش حد غيره تحاكمه انهاردة
في الحزن تكره اللي يقولك مالك ؟ لان سؤاله ده ممكن يكون اختراق لحصن حزنك وتبديده ..متنساش انك لما تفضفض بتستريح ..يعني سؤال مالك ده لمحاولة القضاء علي حزنك
في الحزن بتظلم ..لازم تظلم
في الحزن بتحط كل الناس في خانة واحدة ..يعني هتصرخ في وشهم بصمت وتقولهم كلكم خونة ..او كلكم مش حاسين بيا، وفي نفس الوقت لو عدي عليك حد في الشارع وابتسم في وشك هتمتن ليه بشدة وتعتبره صديقك الصدوق
مع ان كل اللي حواليك ومش حاسين بيك بيبتسموا في وشك كل لحظة ..بس دول ولاد 60 كلب وعلي رأي المثل
زمار الحي لايطرب ..
في الحزن ممكن تلاقي جنبك شخص تاني حزين ..ساعتها بتتخلي عن حزنك وتحاول تخفف عنه وتطلع منك اصفي ابتسامة عشانه وتقوله ان الدنيا دي فيها حجات جميلة ..ومعلش بكرة تتحل
و...و ...
انا في رأيي المتواضع
ان من حقنا نحزن
من حق كل واحد يحزن ويتخذ الناس كلها اعداء ومن نفسه ضحية ومن الزمن جاني
من حقنا نعيش مأساة واتنين وتلاتة
بس مش من حقنا نخسر نفسنا حتي لو كان غصب عننا

الخميس، ٤ رمضان ١٤٢٩ هـ

قصة موت معلن

دائما عند الرحيل أو اخذ قرار مشابه بانهاء شئ ما
يأتي في ذهنك اطياف لاشخاص ما
تعتذر لهم حقا عن قلقهم عليك ..تعتذر لهم حقا لانك لم تكن ذلك الشخص المتصالح مع الدنيا ..لا من أجل شئ سوي من اجلهم
نعم وجودهم في الدنيا يستحق ان تتصالح معها ولكن قد تستغل الدنيا هذا أسوأ استغلال
عفوا ماما مها قد تكون الحياة جميلة ولكني لم اري منها سوي كل قبيح ..لذا فانا لااريد الحياة
لااريد التصالح معها
اختي نانا ستخبرني عن حلاوة الحياة ..ولكن صدقيني يانانا لم اعد استطيع ان اري شيئا
دعاء تدعمني دائما وتحاول ان تخفف عني ..نسيت ان اخبرها اني احبها جدا جدا
عارفة ياماما انك هتقلقي عليا
بس متقلقيش ..انها مجرد مأساة ..جزء من تلك المأساة اني لااستطيع التعبير عنها
فقط قرار بان اموت مع ايقاف التنفيذ
اتوقف عن اي شئ وكل شئ
وبالله عليكي ياماما لاتطلبي مني ان اعود مرة ثانية
انا المرة دي مخاصمة الدنيا بجد ومش هرجع تاني
ومع مرور الوقت سيدرك العالم اني اعيش مأساة حقيقية لازيف فيها
سلام :(

الأربعاء، ٣ رمضان ١٤٢٩ هـ

حتي يستمر العرض

دوره رائع
ولكن اذا اشار احد الي روعة هذا الدور
سيرتبك ولن يستطيع ان يكمله
حتي يستمر العرض ويبقي الجميع في دوره
شاهدوا فقط ولاتقيموا

الاثنين، ١ رمضان ١٤٢٩ هـ

الي من لااعرفهم(.اصحاب اللغز الذي يحيرني)

لاادعي الذكاء ...او الاحساس الصادق
مازلت لااعرف ان كنت اتصف بتلك الصفات ام ل؟ا
ولكن هناك من يحيروني في احساسي بهم
والله العظيم ما اعرف هما عندي ايه؟
بس قلبي بيتخلع عليهم فجأة ..وسعات افرح عشان هما فرحوا فجأة بردو
واتخنق فجأة من حد واكرهه ..عشان بحس أنه اذي الناس دول
وفي هواجسي المشروعة اشعر بخطواتهم تقترب من المكان -واحدث نفسي واسخر منها ماشئت لتلك الخزعبلات التي اشعر بها- وفي وسط سخريتي من نفسي اراهم امام عيني، فلا اقوي علي رفع عيني من الارض لشدة ارتباكي
اتألم لتلك الابتسامة التي تخفي ورائها الكثير من الجراح
هم لايعرفونني ..لايعرفون اني اشعر بهم ..لاننا لم نتحدث من قبل
لذا سينزعجون عندما تصلهم رسالة من مجهول "هو انتوا كويسين ؟..احوالكم تمام؟"وترتسم الدهشة علي ملامحهم
ولكنهم في نهاية الامر سيبعثون برسالة كاذبة للمجهول "احنا كويسين الحمدلله ..شكرا عالسؤال"..اعرف بالطبع انها رسالة كاذبة ولكني رغم كل شئ سأبتسم لتلقي رد منهم .
عاي ايه حال هم لايجيدون شكوي آلامهم للغرباء والمجهولين..قد لايجيدون فن الشكوي من اساسه
يمكن عشان كدة بحس بيهم من غير ميتكلموا -بس ايه فايدتي وانا غريبة لاهما يعرفوني ولا انا اعرفهم؟:(-صحيح تذكرت اني غريبة وخارج نطاق احداثهم
حسنافلأكف عن ازعاجهم... ساترك لهم رسالة اخيرة "طب خدوا بالكوا من نفسكوا اوي "..واقرر الا ابعث لهم مرة اخري
فقط كلما قلقت عليهم ..دعوت لهم