امتي تتغير نظرتك للموقف؟!!!!

لما تكون مروح بيتك وتعبان اوي وتقع فجأة يغمي عليك من التعب اكيد ده شئ سئ جدا

بس اكيد لما تلاقي صديق جميل جانبك وقتها قلقان عليك وبيحاول يساعدك...ساعتها هتتغير نظرتك للموقف

لما تقرر في غمرة الضغوط اللي عليك ان تمارس شئ من العبثية في تصرفاتك وان تستعير غباء العالم لتخسر اصدقاء اعزاء ...ده شئ قمئ

بس لما صحابك دول اللي انت راهنت علي طباعهم البشرية وخدت احتياطاتك اللازمة عشان يكرهوك ، طلع عندهم مصطلح في قاموسهم اسمه "تقدير لحظات الضعف الانساني" ويملكون كم مناسب من العقلانية....ساعتها هتتغير نظرتك للموقف

لما تتعرض لشتي انواع القهر وتركلك الاقدام، لا لشئ سوي انك كنت هناك وقتها.. لتقع متأثرا بجراحك ...اكيد ده شئ مش لذيذ

بس لما تبقي في عز جراحك تبتسم وتقوم وتراهن علي ذكاءك -الذي قلما استخدمته-في ادارة الموقف وتنجح في قلب الامر لصالحك...ساعتها هتتغير نظرتك للموقف

لما ترجع بيتك وانت طول النهار في الشغل ويبقي مطلوب منك حجات كتير تعملها وتنضفها في شقتكوا اللي مفيش حد بيساعدك فيها وتشتغل بالاكراه ودون اي مرونة..اكيد ده شئ صعب

بس لما تخلص وتروح تغسل وشك من العرق وتشرب كباية ماية ساقعة...ساعتها هتتغير نظرتك للموقف

لما تصحي الصبح الساعة 5 الفجر بضرب الجزم عشان تجري في الحديقة ادلولية كواجب رياضي اجباري لمحاربة السمنة ..اكيد ده شئ منهك نفسيا جدا

بس اكيد لو وقعت عنيك علي وردة حلوة وانت ماشي او وقفت جنب نخلة قصيرة اوي وفرحت عشان طولك اد طولها ...ساعتها هتتغير نظرتك للموقف

لما يبقي عندك سفر بكرة تبع الشغل وابوك جه لغهولك في اخر لحظة عشان نسيت تعمل حاجة هو طلبها منك ....اكيد ده شئ سخيف

بس اكيد لو استنيت لحد مايصحي الصبح واتحايلت عليه او حاولت تاخد منه الموافقة وهو نايم وتستعبط حبتين...ساعتها هتتغير نظرتك للموقف

بدوون عنوان

تقف في الصحراس مع بعض البشر

وفي لحظة انشغالهم عنها سيأتي لها كلب من بعيد يجري



تعرف انه يقصدها ولكنها لن تجري في خوف فقط ستكتفي بالتقاط صورة له



بعدها ستتذكر ان تخسر شخصا عزيز عليها



لان خطأ ما قد تراءي لها انها فعلته فارادت ان تعاقب نفسها



وان تفسح لنفسها مجالا لممارسة عبثيتها في الحياة وجنونها



سيعطلها صديقها الجديد واعدا اياها بان يصاحبها في الطريق



توافق علي الانتظار فقد خارت قواها ولاتستطيع السير وحدها

درافت تدوينة لم اكمل كتابتها لاسباب لم اعرفها بعد

لاتتذكروا من بعدهم الا الحياة

تنبيه لزم ذكره

المدونة مدونتي وانا حرة اكتب فيها اللي انا عايزاه

ولو حد شاف ان اللي انا كاتباه هرتلة فبراحتي مدونتي واقول اللي انا عايزاه فيها في الوقت اللي انا عايزاه

وردا علي ان موضوعاتي مكررة او بتدور في فلك واحد

فمعلش بقي دي خلقة ربنا ربنا خلقني كدة

وياريت اللي مش عاجبه يشوف عنوان المدونة قبل مايدخل

وتحياتي لكل زوار مدونتي الكرام مؤيدين او معارضين

___________________________________

الحياة



كم هي قوية؟!



تجبرنا علي حبها



يمكن تغلس علينا كتير



بنقابل فيها صعوبات كتير



بس علي مين



برغم كل شئ ايامنا فيها شئ بيعشق الحياة



طيب ده عن الحياة اللي احنا بنعشقها



نيجي بقي للناس اللي بيحلوا حياتنا بوجودهم فيها



كل واحد فينا..شخص عزيز عليه فارقه او الظروف فرقت مابينهم



او مشي من دنيته خالص خالص ومات



بيعيش بعدها فترات عصيبة اوي وممكن لو هو بيحبه اوي اوي يفقد الامل في الحياة

بس تعالوا نفكر كدة

الناس اللي مشيوا وظروفهم منعتهم انهم يفضلوا معاكوا اكيد هتلاقيهم وهما ماشيين بيقولولكوا

لاتتذكروا من بعدنا الا الحياة

ولو غدروا بيكوا وعذبوكوا

ساعتها بردو

لاتتذكروا من بعدهم الا الحياة
_____________________________

والكلمات بالازرق من اغنية غادة رجب
والكلمات بالاحمر من شعر العظيم محمود درويش

يحدث في مدرسة اختي

!!!!الهي يارب ربنا ياخدك


يارب اشوف فيكي يوم!!!


!!!!منك لله يااميرة


!!!حسبي الله ونعم الوكيل


بقي انا اخش افرد ضهري 10 دقايق الاقيكي جيتي تنامي جنبي وتسيبيني من غير مكمل


!!!!واجبي



اعمل ايه ياربي بس




اروح المدرسة ازاي؟


كانت الساعة 5 ونص لما صحيت علي زعيق اختي الصغيرة والتي طباعها اتغيرت اوي


وبقت صعبة كل مابتروح سنة جديدة في المدرسة





وحاولت افتكر ايه اللي حصل قبل منام




لاقيت اني كنت سهرانة جنبها لحد متخلص واجبها عمره مخلص وجت الساعة 4 ونص



لقتها نايمة في السرير واستغربت عشان لقتها نايمة جوا مش عالطرف






وفرحت عشان مش هنقعد نتخانق زي كل يوم مين ينام عالطرف -ملحوظة السرير في




النص اصلا يعني ليه طرفين بس احنا عيلة غاوية مشاكل-







واخترت انا الغطا الازرق وسبتلها هي البمبي وخدت الخددية كمان اللي بحبها وحسيت




ببلوغ ساديتي منتهاها ونمت وانا سعيدة ومكنتش اعرف المشكلة اللي اختي بتواجهها




طلع بقي انها كانت داخلة تفرد ضهرها زي مبتقول 5 دقايق وتصحي تكمل واجبها



واللي حصل انها صحيت متأخر الساعة 6 الاربع وكان الباص هيروح عليها كمان




معملتش حاجة لتوتو اختي ومزعقتلهاش وادتها موبايلي عشان تكلم الميس بتاع الباص



وتقولها لفي وارجعي تاني عشان تروح معاها المدرسة



واشفقت عليها



فهي تحكي لي عن مد 20 طالب في فصلها علي رجليهم عشان معملوش الواجب


مش بس كدة دي الميس بتاعتها استعانت بقوات خارجية من بقية المدرسات عشان



يساعدوها في تقليع الشرابات للطلبة وده بيحصل كتير

_________________________________________________________________

الصورة لاختي تم التقاطها لها العام الماضي وهي تمارس عذاباتها اليومية

حالة حصار

هنا، عند مُنْحَدَراتِ التلالِ، أمام الغروبِ وفُوَّهَة الوقت،

قُرْبَ بساتينَ مقطوعةِ الظلِّ،

نفعلُ ما يفعلُ السجناءُ،

وما يفعلُ العاطلونَ عنِ العمَلْ:

نُرَبِّي الأمَلْ.

حُرٌّ أَنا قرب حريتي.

وغدي في يدي.

سوف أَدخُلُ عمَّا قليلٍ حياتي،

وأولَدُ حُرّاً بلا أَبَوَيْن،

وأختارُ لاسمي حروفاً من اللازوردْ…

في الحصار،

تكونُ الحياةُ هِيَ الوقتُ

بين تذكُّرِ أَوَّلها.ونسيانِ آخرِها.

أَيُّها الواقفون على العَتَبات ادخُلُوا،

واشربوا معنا القهوةَ العربيَّةَ

فقد تشعرون بأنكمُ بَشَرٌ مثلنا.

أَيها الواقفون على عتبات البيوت!

اُخرجوا من صباحاتنا،

نطمئنَّ إلى أَننابَشَرٌ مثلكُمْ!

كُلَّما جاءني الأمسُ،

قلت له:ليس موعدُنا اليومَ،

فلتبتعدْ وتعالَ غداً !

نحبُّ الحياة غداَ

عندما يَصِلُ الغَدُ سوف نحبُّ الحياةكما هي،

عاديّةً ماكرةْرماديّة أَو مُلوَّنةً..

لا قيامةَ فيها ولا آخِرَةْ

الحصارُ

هُوَ الانتظار

هُوَ الانتظارُ على سُلَّمٍ مائلٍ وَسَطَ العاصفةْ

أيَّها الساهرون ! أَلم تتعبوامن مُرَاقبةِ الضوءِ في ملحنا

ومن وَهَج الوَرْدِ في جُرْحنا

أَلم تتعبوا أَيُّها الساهرون ؟

واقفون هنا. قاعدون هنا. دائمون هنا. خالدون هنا.

ولنا هدف واحدٌ واحدٌ واحدٌ: أن نكون

الي مصائبي وصدماتي ...تحياتي

مش عارفة بس خلاص بجد اتعودت عليكوا

لدرجة اني حاسة لو عدا عليا فترة من غير ماتحصلي صدمة او تزورني مصيبة

ابقي مش عايشة

يمكن بتيجوا ساعات في اوقات غبية

والله بابقي مكسلة اقوم ارحب بيكوا

بس بحاول علي اد مقدر اتفاعل معاكوا

جايز مش مديين فرصة للفرح والسعادة يظهروا في حياتي

بس مش مشكلة

بكرة تزهقوا مني وتدوا فرصة للسعادة انها تدق ابوابي

انا بقعد احلم والله

واتمني حجات والله حجات بسيطة خالص خالص مش بتضر حد

ولما بآجي انفذها ونا في المرحلة الاخيرة

وخلاص قربت اوصل واحقق اللي انا عايزاه

مش بنساكوا

بستني يامصيبة ياصدمة يهدوا كل حاجة بنتها

حبيت اهدي لكم احدي تدويناتي

واقلكم تحياتي

ويابخت من زار وخفف

ومش هتاخدوا وقتكوا ووقت غيركوا

في سعادة وفرح بردو عايزين يجوا

هذا الزحام ...لا أحد