الأربعاء، ٢٧ ذو الحجة ١٤٢٧ هـ

صورة مع كوم زبالة ....كوميدية سوداوية


قبل أن تشار إلي أصابع الاتهام بقراءة الصحف القومية
أحب أقلكم أنا بريئة
ولكنها الصدفة البحتة التي جعلت عيناي تقع علي هذا الخبر في جريدة الاهرام
والذي يتحدث عن سياح انشغلوا بأخذ الصور التذكارية بجانب كوم زبالة
انا بعد ماقريت الخبر اطمنت علي مستقبل مصر
كدة السياح هيروحوا بلدهم ويرجعولنا السنة الجاية بناس كتير اوي
عشان يتصوروا جنب زبالتنا والتي اعتبرها السياح الالمان من آثار مصر الحديثة


وإليكم جزء من الخبر الذي لم اتحمل نقل كل تفاصيله التي تجعلك تضحك وتضحك وتضحك لتكتشف مدي الوضع المؤلم فتبكي


في أول شارع الهرم تعطلت فجأة احدي سيارات السياحة التي كانت تقل فوجا من السياح الالمان تحديدا واثناء انشغال السائق والمرشد السياحي باصلاح العطل قبل التوجه لزيارة الاهرام نزل السياح إلي الرصيف

فلمحوا كوما كبيرا من القمامة

الغريب أن السياح راحوا يتسابقون لاخذ صور تذكارية مع اكوام القمامة



هناك ٤ تعليقات:

دعاء عادل يقول...

الحمد لله يا اميره كده اطمنا على مستقبل مصر
بس تصدقى انى لاحظت حاجه تانيه مره فى ميدان التحرير سفت السياح عماله تتصور مع الناس مع كل حد يقابلوه
اكيد بياخدوا تذكار شعب بيحصل فيه كل ده وساكت
ده احنا هانشوف ايام هنا الشعوب هاتحجز تذاكر عشان تتفرج علينا
ها يعملوا مصر قريب محميه طبيعيه
حد يزعل من كده برضه يا اميره
ده احنا ها نتصيت

Bassaminoff يقول...

شعار الإدارة المصرية

ola salem يقول...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
انتى رايحة تتدربى ولا رايحة تفضحينا
انتى يا حجة لا اسمحلك طبعا الهرم دى بتاعتنا يعنى
والزبالة دى من الاثار الخالدة فيها بس اوصفيلى انهى كومة زبالة عشان اروح اتصور هناك
هو يا دوب ميكروباص بربع جنيه او اخدها كعابى يعنى مش دى القضية

غير معرف يقول...

من طبيعى يا أميرة أن يلتقطوا الصور مع أى شئ لا يجدونه في بلادهم.