كنت دايما مش بخاف عشان هما جانبي
كنت دايما مش حاملة هم عشان هما معايا
دلوقتي خلاص كلهم مشيوا
وانا فضلت لوحدي
زمان مكانتش هتفرق اذا كنت ضعيفة ولا قوية
اصلي في وسط ناس بحبهم وبيحبوني
لو ضعيفة حبهم ليا هيخليني قوية
ولو قوية هبقي في وسطيهم اقوي واقوي
بس دلوقتي آن الآوان لاحسب خطواتي واتصرف كفتاة مسئولة
أستاذي العزيز:
تركتني اتنسم كلماتك واتذكرها واحاول تنفيذها بحذافيرها
لادرك ان هناك انواع من البشر لاتعوض
تترك أثرها محفورا في قلبك
تلك الجميلة: شجعتيني علي تكملة الطريق كلمة شكرا هتبقي قليلة اوي لو قلتهالك
اصحابي :بحبكوا اوييييييييي بجد
انا هكمل الطريق عشان اتعلم وابقي شاطرة زيكوا
وهستني في يوم نتجمع من تاني
هناك تعليق واحد:
انت اللى بجد جميلة وانا سعيدة انى تعرفت على بنوتة نقية وصحفية شاطرة زيك بتعتمد على نفسها وجهدها مش على علاقاتها وفهلوتها زى كتير خليك زى ما انت يا أميرة واوعى تتغيرى واتعلمى من كل اللى حواليك واوعى تتنازلى عن مبادئك وقناعاتك وحافظى على علاقاتك بأصحابك ومتبعديش عنهم وخلى بالك من الدرينى ومحمد على وتواصلى دايما مع خالد واتعلمى منه قدر المستطاع بدون خجل لأن الى يبقى جنبه وميتعلمش منه بجد يروح يشوف له شغلانة تانية
طولت عليك لكن ده لأنى مسافرة سفر بعيد ويا عالم هنتقابل امتى خدى بالك من نفسك يا جميلة
إرسال تعليق