السبت، ٩ جمادى الأولى ١٤٢٨ هـ

عندما أقولها

عندما أقولها يوما


وقتها سيبتسم لي اثير ابتسامته الخبيثة


وستبتعد دينا دون عتاب ولكنها لن تنسي أن توصيني خيرا بسونا وتبعث لي برسائل الsms


لتذكرني بواجباتي الانسانية تجاه البشر


سيقرر الدريني أن يستمع إلي هواجسي عن ذلك الكائن الفضائي الذي يمر بطرقات جرنالنا ويبتسم لي ابتسامته الكارتونية


سيطمئني بأن محمد علي الدين قد اتخذ اللازم لرصد تحركاته ولكنه سيحذرني من بعث الرسائل مع فيروز فقد يكون لها علاقة وثيقة بوجود ذلك الكائن


سأهز رأسي بالموافقة واشرد في محاولة لتذكر في أي وقت بعثت برسائل مع فيروز



سيتحاشاني ندا وكأنه لم يسمع قولي ،ثم يأتي ويسألني سؤالا يعود بي إلي الماضي السحيق،قد يجرحني دون قصد ولكنه سيعود ليبتسم في وجهي ويطمئني



سيتوجس بسام خيفة من ذلك القول ولكنه سيحاول إخفاء مخاوفه...سيخبرني أن اسراري كلها تقبع في هذا الصندوق سيحافظ عليها ولكنه قد يضطر يوما للبوح باحدها لتبرئتي من تهمة ما



سينصت لي هشام في صمت ولكن بعد فترة طويلة من الحديث سيتخلي عن صمته ليطلب مني الكف عن الكلام والخلود للنوم والراحة ،سيقص عليّ قصة ينتصر فيها الخير علي الشر ...اذهب لانام ولكني اعلم اني عندما استيقظ في الصباح لن اجده



ستحتضنني شوشو في حنان بالغ ..ستنظر اليّ نظرة ترغمني فيها علي الاطمئنان



سيعدني ايهاب بكتابة مسرحية اختار فيها الدور الذي اريد ..إذا ماتخليت عن قولي هذا



قد يرتاع عبدالرحمن ولكنه سيطمئن نفسه باني امارس احدي الاعيبي العبثية




سيعود احمد من الماضي السحيق ويحدثني كعابر سبيل ...فيخبرني عن امرأة احبته يوما حبا جما ..يصفها لي بانها كانت اطيب امرأة رأتها عيناه


سيحدق بي قليلا ويخبرني اني اشبهها كثيرا



اما أنا سأتركهم جميعا واسير علي غير هدي



قد أجد في طريقي آلة زمن
فاذهب إلي العصور الوسطي
حيث ذلك العالم الذي ينتمي إليه ساكن قلبي

هناك ١٦ تعليقًا:

أحمد الدريني يقول...

وربما تتهادي علي جانبي طريقك بعض من تلك المباغتات القدرية التي ستحيل أهازيجك إلي مسرح محبوك المسرات...

Bassaminoff يقول...

لا عاش من يتهمكي أو يطعن فيكي يا صبح...يا أورورا... يا هالة الصبح البعيد...حتى أبوح له بسرك...قلتها على طريقتك...ومازلنا معك...فلتعودي إلى عصورك الوسطى ببساطة...وأعدك من هنا...ألا تسقط غرناطة

طنط رجاء وحشتني أوي يا أميرة...يا رب يطول لي في عمرك واشوفك زيها

حمد الله عالسلامة يا سيدة الجزيرة

:-)

sohier يقول...

إيه يا أميره و انا فيين؟
:(

nyira_elsheiref يقول...

آمييييييييييييييييين
انا كنت بأمن على كلام أحمد على فكره
ولأنى اثق أن رحمة الله بنا ستظلل دوما حر طريقنا بالمباغتات القدريه الساره إن شاء الله يعنى

السلحفاة تطير يقول...

ايه الكائنات اللى بتطلعلك دى يا أميرة .. سلامتك .. بس بجد أسلوبك في الكتابة بدا ياخد أسلوب مختلف .. يظهر الست شهور اللى فاتوا مأثريين فيكى جدا

ذو النون المصري يقول...

اسلوب الكتابه جيد و سهل
و القص ممتع فعلا
لكن حبيب ينتمي لعصور وسطي!!!؟
او حتي في اخلاقه و قيمه اعتقد انها غريبه شويه

Ebtsam يقول...

ربما يكون ما قيل اثبت موهبتك الواضحة فى الكتابة الممزوجة بروعة الاحساس
تعبيراتك جميلة جدا على تشابها بأسلوب احد نعرفه جميعا الا انه تأثر ذكى جدا حولتيه من كلمات عبقرية بأسلوب رائع الى احساس وتلقائية رائعة
احييكى

ola salem يقول...

ماشاله ماشاله
انا بقى وقت من الحسابات خلاص
بس حقك يا ستى
انا على فكرة مع محمد جدا اسلوبك بقى مختلق يا ميرا

dead man يقول...

قد أجد في طريقي آلة زمن
فاذهب إلي العصور الوسطي

elkamhawi يقول...

والنبى لو لقيتى اله الزمن ابقى قوليلى
نفسى ارجع زمن الكفار بتوع زمااااان

غير معرف يقول...

ايه يا مزة انا مش موجودة خالص فى دماغك ولا ايه؟
انا دايما معاكى ومتابعاكى يا حبيبتى ويا ريت تتأكدى من جوايا وانك من الناس اللى بجد بعدى عنهم قاتلنى ومأثر فى لكن انا متأكدة إن السفر عمره ما كان عائق أو حاجز بين الأحباب هو مجرد حاجز أثييرى يعنى بجد وانت بتقرى الكلام ده تأكدى انى هابقى واخداكى فى حضنى وباطبطب عليكى زى ما كنا متعودين مع بعض يا حبيبتى ومتخافيش انت مش لوحدك يا أميرة وانا وكل الناس الجميلة دى معاكى وبالمناسبة انا كتبت أول تدوينة النهاردة زى ما طلبتى منى شفتى انا باسمع كلامك ازاى

عبير العسكرى

اميرة هشام يقول...

احمد:انا الحمدلله كل شوية بتباغت بمباغتات قدرية بس كلهم لحد دلوقتي مباغتات وحشة


بسامينوف:لم ولن تسقط غرناطة في عصرنا يابسام ...حتي لو ذهبت هناك الي العصور الوسطي

كبر دماغك:انتي في القلب ياسوسو


نيرة:ربنا يخليكي ليا بجد يانيرة،يارب كلنا تجيلنا مباغتات قدرية سارة

السلحفاة تطير:انت عارف يامحمد مين الكائنات دي ،خلي الطابق مستور

ذو النون المصري:لا في حبيب من العصور الوسطي ممكن يضل طريقه ويجي يدور علي حبيبته هنا في العصور المتقدمة وياخدها معاه ويرجعوا تاني عصره
ويبعدوا عن كل الناس

ابتسام :ميرسي ياجميلة علي تعليقك الحلو ده

هواري:منور المدونة يفندم

القمحاوي:الظاهر مش انا لوحدي اللي عايزة اخطف رجلي لعصور تانية وارجع هنا تاني
وماله يلا ياعلاء نروح مع بعض

عبييييير:عمر مكان السفر حاجز بينا و...
انا هكمل بقية الرد في مدونتك هناك ياجميل

Unknown يقول...

كنت أود لو أنى تركت تعليقا منذ البداية
حتى لو لم أقرأ تلك التدوينة الرائعة
ولكن كما تعلمين
فأنا أحتاااااااااااج فعلا إلى النووم
لا تقلقي ..فسيأتى من تنظرين وغدا ستنتصرين ..ولكن ارجوكى ارجوكى لا تزعجيني ولا تحملى هم نقل الخبر
فعندماأستيقظ سأطلبك لأعرف النتائج
فأنا متعب حقا
ودارعا سيـ...........دتي
آآآآآآآآآآآآه
أكمل لكى بعد النوم

اميرة هشام يقول...

لا يروق لي تعليقك ايها الفتي

ولكن في عهد اميرة هشام لم يقصف قلم

لذا تركته كما هو

shimaa يقول...

جميل قوي البوست ده يا مرمر و اسلوبك فيه مختلف جدااااا بس احلى ...

مش عارفة اقولك ايه انك افتكرتيني من ضمن الناس اللي بتعتبريهم قريبين منك بس انتي عارفة يا جميلة ان حضني موجود ليكي في اي وقت ..
لو عوزتيني في اي وقت ..ارفعي سماعه التليفون بس و قوليلي انك عايزاني بس متنسيش تتطولي الجرس شوية عشان احنا بنعذب اللي بيكلمنا قبل ما نرد عليه :D

غير معرف يقول...

انا برضه ملاحظ ان اسلوبك دلوقتي بقى ادق في كلماته بقت المعاني في الكلمات يابوسي والكلمة بقت بتشيل اكتر من مجرد عدد حروفها واكتر من مجرد كلمة في جملة بقى فيها حركة وصوت وخيال.
انا معجب جدا بتجريدك للاشخاص وده انتي متميزة فيه من زمان .. يعني بتحاولي تحللي الاشخاص وردود افعالهم لحاجات محصلتش بس انتي بتتوقعي من تحليلك للناس دي حيبقى رد فعلها ايه. انا بس مشكلتي للتعليق معرفش كل اصدقائك بصراحة بس الي ملاحظهمن ردود بعضهم انهم كلهم والحمد لله على قدر كبير من الثقافة والوعي والزوق. اكيد الطيور على اشكالها تقع.
انا بس مش عارف ليه حاعاتبك انك معانا كلناوبتدوري في العصور الوسطى!! مش حتلاقي هناك اثير يابوسي.
:) يلا ضحكة صغرا من نفسك