طبعا لو عديتوا التدوينات اللي انا كاتباها في المدونة مش هتلاقوها 100 ولا حاجة
بس انا حاسبة التدوينات المنشورة والتدوينات الدرافت
يااااااااااه ،مية تدوينة وسنة قربت تعدي والله محسيت بالوقت
معقول؟ ..بقالي سنة بوثق نفسي في سطور
بس تصدقوا
مفيش حاجة كتير اتغيرت
لسة المشاكل هي هي
ولسة الاسئلة مفقود جوابها
ولسة بحلم اكون
وافرح بالشيكولاتة اللي بتجبهالي امي، واحلف واقول هتبقي اخر واحدة اكلها عشان مش اطخن
واتخانق مع ابويا ويطلع عنيا ،وانا اطلع عنيه بردو.... باصراري اني اكون
لسة بفرح بحجات بسيطة اوي وبزعل من حجات ابسط
و..
ولسة عايشة
هناك ٦ تعليقات:
مبروك
قصدي 100 مبروك :)
وربنا يديكى طوله العمر يا ميرو وتنكفى فى بابا و ماما وتطلعى عنينا
هنعمل اية بقى
وعلى راى عمرو دياب
انا مهما كبرت صغير
انا مهما عليت مش فوق
مش ممكن يوم نتغير
الدنيا غروب وشروق
الف مبروك وعقبال الاحتفال بالالفيه
يا إلاهي ماذا أفعل لتلك الفتاة المدللة
أوص أبناءك بمتابعة التوثيق لماما اميرة اللي مش هتلاقي وقت تخرج من المطبخ كما سأوصي أبنائي الملاعين بمتابعة الغزو لتلك الصفحات التي ستظل تحمل بعضا منك،وكل تدوينة وانتي طيبة
زى ما قال باسمينوف
كل تدوينة فيها حته منك
كل حته وانتى طيبة يا اميره
وصدقيني والله مش زعلان منك
انا بس اليومين دول دماغى مش فيا
ماحدش شاف دماغى؟؟
أول زياره فى مناسبه تاريخيه كده
حظى سعيد بدخول مدونتك الجميله
كل 100 تدوينة وانتى طيبه يا مرمر
إرسال تعليق