عارفة اني قفلت مدونتي
والصورة اللي حطتها كانت رمزية علي قتل الكلام
السبب مش الكلام اللي اتقال خااااالص
لسانكوا طويل جايز
بتعرفوا تجرحوا اوي يمكن
معندكوش حاجة غير اللوم اكيد
بس كل ده مأثرش فيا
ومضايقنيش
اللي ضايقني حاجة تانية خالص
انا حسيت ان نسبة الصدق في حياتنا بقت قليلة اوي
مش قصدي ان احنا كدابين.... تؤتؤ خااااااالص
بس مش بنعرف نبقي صادقين في تصرفاتنا
انا نفسي مش عارفة ازاي نبقي صادقين
بس ممكن في صدقنا ده اللي هو من جوانا ومن احساسنا وبس
نستخدم الكذب وبردو نبقي صادقين لان الصدق مش الصراحة
امممممم
جايز اكون مقدرتش اوصل معني الصدق عندي او هو ايه
بس شفت ده في انسان واحد هو اللي علمني معناه
هو في كل شئ صادق
حبه ،كرهه ،ادبه ،قلة ادبه،خجله ،جرأته
لذلك كنت دائما احترمه واحبه ولاادرك سر حبي واحترامي له
عندما شعرت بنقص الصدق في حياتنا وبحثت عن لحظات صادقة ،انسان صادق احساس صادق او حتي كذب صادق
ادركته امامي بكل تفاصيله
وعلمت بسر هذا الحب الذي لا أظنه ستغيره الظروف او الزمان
اعود الي نفسي الآن لاجيب عن تساؤلكم عما افعله وعن علاقته بالصدق
حسنا
انا صادقة في عبثي... في حلمي
وحلمي لي وعبثي لكم
واخيرا لايسعني سوي التواطؤ مع ارادة القدر لاني لا اقدر علي مخالفتها
ولايسعكم سوي التواطؤ مع عبثي او تخبطوا دماغكوا في الحيطة
