حاسة الشم لدي ضعيفة او تكاد تكون منعدمة
ومع ذلك فأنفي تستطيع ان تشم روائح معينة لايستطيع احد غيري شمها
لاادري كيف
ولكني اشم رائحة عطر التوت-العطر الوحيد اللي بحبه- من علي بعد 65332كيلو
واشم رائحة اشخاص معينة ايضا من علي بعد
لدرجة انني لو دخلت مكان كانوا فيه ..اكاد ان اجزم من الرائحة ان فلان او علان كان هنا منذ قليل
بس في المقابل بقي انا ممكن حلة الاكل تتحرق وانا واقفة ادامها ومش شامة ريحة الشياط
عادي بقي ماهي حاسة الشم عندي ماشية بمزاجها
انهاردة كنت قاعدة في بيتنا عادي ولااستشعر اي خطرا
لحد مالاقيت ابويا داخل البيت بدري علي غير العادة -اكيد عشان كان ربنا مش عايزني اموت-وبيقول ان في ريحة غاز جامدة اوي
ونفتح في الشبابيك والابواب والبلكونات
اتاري بقي الغاز الطبيعي الجميل الامور بتاع شقتنا قرر يتسرب انهاردة وانا قاعدة بالصدفة في البيت وطبعا مش شامة حاجة ..كنت حاسة اني دايخة اوي بس
و..و..
كنت هموت وانا مش عارفة
هناك تعليقان (٢):
بقى انا اول مرة ادخل البلوج هنا الاقى حادثة كده
انا بوزى فقر ولا ايه
:)
الحمد لله ان بابا جه بدرى
تحياتى
الحمدلله ان بخير
ده انا اللي كنت هموت لما قريت العنوان
"فالله خير حافظا وهو ارحم الراحمين"
إرسال تعليق