جاءتني احدي قارئات مدونتي
لتسألني يعني ايه اوطي من الموس عالارض؟
ودي كانت جملة كتبتها في احدي تدويناتي السابقة
وهي اكيد جملة شهيرة في كل حواريكي يامصر
تنحنحت وقلت لها
شوفي ياستي
انت الاول عارفة الموس ؟
قالتلي اه شفرة الحلاقة
قلتلها اهو شفرة الحلاقة دي بقي ليها استخدامات عديدة
اشهرها انه يتسقف في الحلق ويطلع ساعة الخناقات
وانه يتضرب بيه المثل في وطو البشر لامؤاخذة
ابتسمت وقالت منكم نستفيد يااوختي
ابتسمت انا ايضا ..للذكري والمشهد المتكرر
يعني ايه اوطي من الموس عالارض ؟
يعني حد واطي زي الموس تمام ماييبقي عالارض
طب ودي حاجة وحشة ولا حلوة يعني؟
حاجة وحشة اكيد
طب ويعني ايه ولاالدموع؟
هبقي اقولك بعدين
طب ويعني ايه .....؟
ينهارك اسود متقوليش الكلمة دي تاني
ليه هي وحشة اوي كدة ؟
اه وحشة خالص
مش هينفع يعني اعرف معناها ؟
تؤتؤ مش هينفع خالص
