اعلن كفري بالعلاقات الانسانية
اعلنها صراحة ودون استحياء
ياما العيب فيا ..وانا اللي بتطلع لدرجة من العلاقات الانسانية مش هلاقيها
ياما انا حقي اني اطلب الدرجة دي ولو ملاقتهاش اعترض ..اعترض بقسوة
واعلن رفضي وكفري بتلك العلاقات الانسانية المزيفة
من حقي اكون جنب الناس اللي بحبهم لما يكونوا متضايقين
من حقي يكون ليا دور في حياة الناس ..مبقاش عنصر محايد الشحنة
نعرف بعض بس لما نكون عايزين نقضي وقت حلو
لكن وقت الحزن ..كل واحد يقفل موبايله ويتفرد بهمه
الهاتف الذي طلبته ربما يكون مغلقا ..يافرحتي
انا ممكن اتفرد بنفسي وقت الحزن بس ده لما ابقي عارفة اني مليش دية ..مليش حد هيسأل عليا ..هيقلق عليا لامؤاخذة
اووه ..انا مش هتنازل عن شرع العلاقات الانسانية اللي انا اعرفه وبحلم بيه
اللعنة علي احزانكم ..اللعنة عليكم ..اللعنة علي لاني آمنت يوما بما يسمي العلاقات الانسانية
