الثلاثاء، ١١ ذو الحجة ١٤٢٩ هـ

مدونتي : امبارح كان عمري سنتين :)

امبارح كان عيد ميلاد مدونتي-انا كدة ومفيش غير كدة عندي-
عارفة اني اتأخرت عن الاحتفال يوم بحاله
بس لما جيت امبارح احتفل ..وجدتني اكتب عن حب ذلك الحبيب الذي داهمني بقسوة دون سابق إنذار
واردت ان يكون الخاتمة لا البداية
ويمكن كمان عشان اديكوا فرصة تقضوا اول يوم العيد وتدبحوا وتحتفلوا
اعمل ايه بقي؟
الصدفة خلت العيد الكبير يجي مع عيد ميلاد مدونتي حبيبتي
اجلس الآن في حجرتي بعد ان تغيرت ملامحها تماما
امامي صورة لميكي
وخلفي صورة للمسجد النبوي الشريف
واليوم النيم عالماسنجر ..-في كوارث العلاقات الانسانية ..كانت لنا ايام-
طبعا السنة اللي فاتت كان -احلي سنين العمر بينا تمر-
جميع من في البيت خرجوا ..واخترت انا الجلوس بمفردي للاحتفال معكم بمدونتي
زي انهاردة من سنة كاملة كنت قاعدة بكتب في نفس الموضوع وبحتفل نفس الاحتفال
مفيش حاجة اتغيرت ..غيري
بابص لامنياتي اللي كتبتها السنة اللي فاتت وبضحك اوي

و علي صعيد آخر كان نفسي بس اجي بدري شوية في الاحداث اجي حتي عشر دقايق بدري في مدة الفيلم
الحمدلله اني مجتش بدري ..وقدر الله وماشاء فعل اني جيت اصلا
فديتك ياليلي ..وتجرعت بدلا منك كأسا حماك الله من مرارها
يلا عشان منقلبهاش نكد في يوم تلاقي الاعياد
انا الحمدلله ..كبرت مع مدونتي سنة بحالها
اتألمت كتير واتعلمت اكتر
كتبت حجات حلوة اوي وبعتز بيها ..جايز كتبت حجات منها بدمي
بس كان لازم احكي وكان لازم انتوا تقروا
وانا بقلب كدة في المدونة افتكرت وحبيت اوي
التدوينات دي مع اني اصبحت الان اختلف مع تلك السطور وبشدة
كتبتهم وظللت ابتسم وانا اعيد صياغتهم لتقليل حدة الاختلاف بيني وبين سطوري

بطلة الكواليس ..لم تعد تقبل بالكواليس ..اي كواليس
وانين الناي يبقي بعد ان يفني الوجود..بس الجراح بتموت
كان نفسي تكون بتعرف تجرح..ولله الحمد ربنا حققلي امنيتي
حكاية الورقة البيضاء..رجعتها لما بقت سودا
عشت لاتذكر فنسيان الذكريات ذنب لايغتفر..ذنب يغتفر مع الذكريات الكاذبة
في رحيلي لااشبه احدا..ودائما وابدا كنت اميرة لااشبه احدا
علي الصداق المسمي بيننا وانا قبلت..ومازلت اقبل
ثمن الاختلاف ..لم اعد اخجل منه
واخيرا اتوجه بالاعتذار ..لعمر الهادي ..لاني شيلت لينك مدونته من عندي عن غير قصد -مشيها عن غير قصد ياحاج عمر
بصراحة معرفش اوجه الشكر لمدونتي عشان هي عرفتني علي اجمل ناس
ولااشكر الناس دول كتير اوي عشان هما عرفوا طريقهم ليا ..وحاولوا بجد وكتييييييير اوي انهم يرسموا بسمة علي وشي
بجد شكرا اوي يادكتورة مها سالم -ماما مها-
وحبيبة قلبي جهيزة ..بحبك جدا اوي والله ..بجد انتي انسانة اكتر من رااائعة
امممم
مش عارفة كدة الاحتفال خلص ولا لسة
بس انا مضطرة امشي دلوقتي
واحتمال ارجع اكمل الاحتفال مع مدونتي
تحديث
مقدرتش ارجع اكمل الاحتفال لاني قضيت بقية اليوم مع سمر ولميس
رجعت تاني
عشان فاتني ان اشكر سارة الجميلة صاحبة مدونة صفا
وان امتن وبشدة لزائر المدونة الوحيد ..الذي زارها وهي مغلقة :)
وحبيت كمان اشكر كل حد نور مدونتي وعلق علي تدوينة
-رحلتي من الموت الي الحياة- عدنا والعود اميرة هشام

هناك ٥ تعليقات:

غير معرف يقول...

كتير عليا كدة اوي يا بوسي
انا اللي باشكرك بجد
وباشكر مدونتك الجميلة دي اللي عرفتني عليكي
وبشكر اللي كانو السبب فاني اتعرفت على مدونتك
;)
اعجبت بيكي كتير
بس بجد مكنتش اتصور اننا ممكن نكون صحاب في يوم من الايام
شكرا سمو الاميرة
وكل سنة ومدونتك طيبة
:)

Dr.Maha Salem يقول...

كل سنة وانتي أميرة
كل سنة وانتي كدة ومفيش غير كدة عندك
كل سنة وانتي في كل شئ لاتشبهي احدا

كل سنة وانتي حبيبتي وبنتي واختي وصاحبتي

انا مش باشكرك ...لالا ..انا باشكر ربنا انه خلاكي في حياتي
:))))

مجلة الأم الصغيرة يقول...

ياللا حالا بالا بالا حيوا أبو الفصاد
:D
حيكون عيد ميلاده (امبارح) أجمل الأعياد
<:o)
فليحيا أبو الفصاد

كان يوم أسود يوم ما جيت
(احم قصدي ملون)
الشغالة جالها الحالة
و الطباخ حرق البيت

كل سنتين و انت مدونة جميلة و عقبال اتنين مليون سنة و نص و تلت شهور

صفا سارة يقول...

كل سنه وانتى طيبة يا اميرة
كل سنه ومدونتك دى مفتوحة ومليانة بابداعاتك كل سنة وانا مبسوطة انى اتعرفتك على شخصية جميله زيك :)

dina seliman يقول...

ميرووووووووووووو
كل سنه ومدونتك بالف توبييك
وعقبال الكومنت المليووون يارب
ونفرح بيها قريييب وتخويها كده
قووووولى اميييييييييين