روح في منتهي العادية ..اتهيألها في يوم انها ماتت مع ان الارواح مبتموتش
ولما افتكرت حقيقة ان الارواح مبتموتش رجعت تاني تعيش
حاولت تبقي احلي ..تبقي احسن ..او حتي اقوي
ومفكرتش تقيم محاولتها ..بس كانت بتفرح لما تحس بخفتها وهي ماشية عالارض
كانت بتفرح لما تحس انها ابتدت تحب الحياة من حواليها ..كانت بتفرح لو اتعلمت حاجة جديدة
كانت بتفرح لدرجة انها حلفت في يوم ماتدوق طعم الحزن ابدا
بس لسة ادامها طريق طويل اوي
وسعات كتير بتخاف تموت فجأة قبل متكمله ،مع انها عارفة كويس ان الارواح مبتموتش
محتاجة شوية صبر صغيرين ..بس المشكلة انها معندهاش صبر اصلا ..يارب ابعتلها حبة صبر صغيرين وباركلها فيهم
هناك تعليق واحد:
الارواح لا تموت صحيح لكن قد يؤدى الزمن الى تبدلها و تشوهها
إرسال تعليق