المشهد الاول
حوار بين اميرة والاء في الحرم الجامعي
أميرة:ازيك ياآلاء
هشام باعتلك رسالة
الاء:خير انشاء الله
أميرة:بيقولك المصوربتاع المصري اليوم اللي صور في مجلس الشعب العضو وهو نايم عمل حادثة وفي المستشفي ومش هيقدر يصور معنا
آلاء:ياربي طب احنا هنروح نزوره
أميرة :منا لما قلت لهشام قاللي انه ممنوع عنه الزيارات
أميرة:شفتي بقي الموضوع ملعبك ازاي حتي المصادر بتاعتنا بتعمل حوادث وبقية المجموعة مش موافقة علي الفكرة وعايزين يعملوا فكرة الشذوذ الجنسي
cut
المشهد الثاني
اميرة وسونا وآلاء في طريق العودة إلي المنزل يتحدثون
آلاء:هشام لسة متصل بيا امبارح بيقولي ان المصور خرج وصور صورة لكمال الشاذلي وهو بيعاكس واحدة
أميرة:اده معقولة كان بيعاكسها ازاي؟قصدي هو المصور ده تخصص مجلس شعب ولا ايه؟
آلاء:ههههه باين كدة
أميرة:والله انا مش عارفة مجموعة المشروع مش موافقة علي الفكرة دي ليه
هي الانتهاكات اللي بتحصل في مجلس الشعب شوية
ايووووه علي المجلس وبلاويه واللي بيجري فيه
سونة -احسان-:احنا جمعنا مادة علمية ضخمة وكل كلمة كتبتوها في الاسكريبت كان ليها مغزي ومعني
أميرة:اه انا والاء قعدنا نكتبه مع بعض لحد الساعة 11 بالليل لحد ماجبنا بترول
آلاء:اه متفكرنيش
أميرة:لا هفكرك
سونا جمعت مادة علمية رهيبة من الجرايد ومعلومات وقوانين ده غير الحجات اللي انا وانتي وماجدة وهبة جابوها المادة دي خلتنا نكتب اسكريبت كل كلمة فيه ليها مغزي وخلتنا نقدر نبني مشاهد
آلاء:خلاص ياأميرةاحنا عملنا شغل واستفدنا عالاقل عالمستوي الشخصي
أميرة:ايوة بس ابسط حقوقنا ان اللي كتبناه ده الناس تشوفه وتقولنا رايها فيه
آلاء وسونة في صوت واحد:طب هنعمل ايه يعني؟!!
أميرة:انا هحطه عندي في المدونة ايه رايكوا
واحنا كمان هنوريه لكل الناس اللي نعرفهم
خلاص ماشي
اتفقنا
cut
استنونا قريب اوي
هنا وبس
عشان تقروا معانا
حكاية مجلس
حكاية حقيقية احداثها وقعت بالفعل وللاسف مازلت تحدث
افتكروا ان تعليقكوا يهمنا
coming sooooooooooooon
هناك ٥ تعليقات:
مستنين يا ستى لما نشوف أخرتها معاكى انتى والجروب بتاعك ده ما كنش مشروع ده
باختصار ياجماعة .. الفساد هوا السبب ..
أحد اعراضه هوا حكاوي مجلس الشعب دي لو حقيقية!
واحد نتايجه على المجتمع اللهم احفظنا وهي الشذوذ.
برض ياريت كل الناس متنشغلش في فرع وتنسى الفروع التانية او تنسى الجدر الكبير ..;)
ازيك يا اميره ايه الاخبار البوست ده حلو اوى وفى حد كان عايز يعلق وماعرفش قالى ابعتلك التعليق من عندى
وياريت يا اميره تفتحى التعليقات عشان ناس كتير عايزه تعلق ومش عارفه
وكمان عشان خطرى شيلى البتاعه اللى المفروض ننقل فيها الحروف دى ماشى
ده التعليق الامانه
السلام عليكم
موضوعاتك جميله واكتر مايميزها البساطه والوضوح اهنيك على افكارك الجميله واضافاتك المفيده واتمنى المزيد من التاق والنجاح
عمر
انا مكنتش اعرف يادعاء ان في تظبيطات ممكن تتعمل للتعليقات في البوست
كدة باذن الله اي حد يقدر يعلق
باذن الله ياتهامي هخلص الامتحانات وانشره ان شاء الله
إرسال تعليق