مش عارفة اكتب ايه
المفروض ده اول بوست ليا في السنة الجديدة
السنة دي كانت زحمة اوييييييي
مرت عليا احداث كتير وعرفت ناس كتير
مش عارفة ابتدي بالاحداث ولا الناس
ولاعارفة اكتب ايه في البوست ده
انا هكتب اللي يجي علي دماغي وخلاص
الناس اللي عرفتهم السنة دي في حياتي في ناس منهم بجد والله كانت حياتي هتبقي صعبة من غيرهم اوي
علا سالم: بالرغم من ان عمر معرفتنا صغير اوي الااني حسيت اني اعرفك من زمان،سامحيني لو كنت خفت عليك اكتر من اللازم في يوم من الايام
اثير:عشرة عمر اه بس عمرنا ماتفقنا،دايما كنت سيئة الظن بيك في كل حاجة،لما جيت وسالتك في مرة عن تصميم المواقع لما كنت عايزة اعمل انا وصحابي موقع فكرته الرئيسية الفضفضة ونصحتني بالبلوج او عمل مدونة افتكرتك وقتها بتوزعني ومش عايز تساعدني
معلش انا معرفتش انك انسان غير السنة دي بس ومعرفتش ان ممكن يكون في بينا نقطة التقاء فكري وانساني غير السنة دي بس
احمد ندا :اول مرة شفتك اتخنقت منك بصراحة،كنت بسمع عنك من موقع جمانة
شفتك في يوم التجمع التاريخي بتاعنا في الحديقة الدولية
فانت جاي من بعيد وقالولي ان ده احمدندا رحت عشان اسلم عليك
ازيك يااحمد عامل ايه علي فكرة انت خلتني اكتب حاجة حلوة اوي عن النقد
وانت وقتها في عينيك نظرة بتقول مين دي انا فين انا ليه
قام بسام وبربارة بتدارك الامر دي بوسي اميرة
رديت باستغراب ودهشة السلام
المهم يبني اني وقتها قفلت معايا وقلت استحالة هيبقي في بيني وبينك عمار
مكنتش اعرف وقتها انك واد جدع اوي اوي اوي
محمود عبدالرحمن:انامش بحب اسم محمود خاااالص ويمكن تقبلت الاسم بس عشان هو اسمك
عشان كدة انا دايما بناديك عبدالرحمن،انت انسان جميل اوي ياعبدالرحمن وياريت تتخلي عن صمتك شوية وتتكلم عشان الناس تعرف اد ايه انت جميل من جواك،انا فاكرة اول مرة شفتك مكنتش اعرف خالص انك معانا في الكلية وتاني مرة يوم اخر امتحان ليكوا لما اتكلمنا مع بعض بجد كاني اعرفك من عشرين سنة
ايهاب الدسوقي:احنا متكلمناش مع بعض كتير جايز بس ليك معزة خاصة عندي
ولا يمكن هنسي موقفك لما كنا في الجامعة وناس اتخانقوا معايا عشان بصور في المظاهرة وانت كنت هتيجي معايا عشان اصور الصور اللي انا عايزاها
محمد علي الدين:كنت رفيقي في خطواتي الاولي في الحياة العملية ولك مواقف معي لاتنسي
بسام عبدالسلام-بسامينوف-اكتر حد سمعني في الشهور الاخيرة من السنة
كنت تجعلني احلم بالمستحيل واتحدث عنه وكانه ملك يداي
هشام علام:انا اعرفك من زمان ،مش فاكرة من امتي ياهشام
بس انا حاسة اني معرفتكش غير السنة دي
علمتني ان الحياة مغامرة تستحق المقامرة
دعاء عادل:انسانة بجد ومشاعر رقيقة ،يمكن ده اللي قدرت اعرفه عنك من معرفتي البسيطة اوي بيكي
حنان الجوهري:بنت بلد وبت جدعة بجد وبرده ده اللي عرفته عنك من معرفتي البسيطة اوي بيكي
دعاء ومها واحمدابراهيم -اصحاب علا- ناس معتقدش اني هندم في يوم من الايام اني عرفتهم
حسين الجارحي ومحمد علي:جمعتنا فكرة واحدة جايز فشلنا في تنفيذها او الظروف بعدتنا عن تنفيذها
بس كسبت معرفة قلوب طيبة وولاد بلد زيكوا
الناس بقي اللي اعرفهم بقالي زمن واكتشفتهم السنة دي بس
احمد الدريني: كنت دائما الغائب الحاضر في حياتي،عقدتني بجد لاني كان نفسي يبقي عندي نص الانسانية والصفاء والنقاء اللي عندك
مكنتش اعرف انك انسان اوي كدة
شادي احمد:كنت دايما بتراعي مشاعري وتخاف عليا وعديت بيا لبر الامان في مواقف كتير اوي صعبة
وحسيت فعلا اد ايه انت بتحبني زي بوسي اختك
فاطمة حسن:قد تعجز الكلمات عن سرد دورك معي هذا العامولكن انتي اكتر واحدة عارفاه
بربارة عاطف:عجبني صمتك اللي واجهتي بيه كثيرا من المواقف معي
ذكري المشاركة في فيلمك كانت رائعة ،انا اصلي بحب التمثيل اوي
وبصراحة كانت احلي حاجة في الدور اني ضربت الولد وبهدلته
دايما كنتي بتسمعيني ايا كان الكلام اللي كنت بقوله
شكرا يابربارة
لميس:مش عارفة اقلك ايه بس انتي ساعدتيني في مشواري كتييير لا يمكن ابدا كنت اتخيل في يوم ان الشخصية الغلسة العدوانية
اللي مكنتش بطيقها ولما اعرف انها في مكان اتجنب الذهاب لذلك المكان ، كنت فاكراكي مش زينا كدة بتحبي الصحابك وتقفي جانبيهم
الحجات دي كنت فاكراكي متعرفيش عنها حاجة
بس انتي اكتر حد وقف جانبي
لايمكن ابدا هنسي انك انتي اللي متعرفيش تصحي قبل الضهر كنتي بتصحي عشاني من الفجر
وتصحيني عشان انزل امشي واجري
يمكن ساعات الصباح اللي كنا بنقضيها مع بعض يالميس
هي اللي خلتني اعرفك
وخلتني اعرف انك ممكن تبقي احسن صديقة الواحد يعرفها
زمردتي الغالية جايز تكون الايام غيرتنا بس مقدرتش تبعدنا عن بعض
ومقدرتش تغير حاجة في صداقتنا
يمكن قبل كدة واحنا قاعدين بنلعب اللعبة بتاعة الصراحة
سؤال وطلبتي مني ارد عليه اجابة اتخلي فيه عن الدبلوماسية اللي بتخنقك
انا دلوقتي هردعليه وبجد والله مش رد دبلوماسي
انتي لما سالتيني بتحبيني انا اكتر ولا سمر؟
وامتنعت عن الرد
بس دلوقتي هجاوبك
انتي وسمر عندي حاجة واحدة بتكملوا بعض وبتمثلولي حجات كتير اوي في حياتي
بس والله كتير سالت نفسي انا بحب مين فيكم اكتر ومعرفتش كل اللي اعرفه اني بحبكم وخلاص
-دايما كدة اسئلتك غلسة-
سمر:اكتشفت فيكي السنة دي بساطتك وطيبتك
احلي حاجة فيكي انك بتفوتيلي كتييييييير وبتعديلي اكتر
والحمدلله ان انتي كدة والا كان زماننا دلوقتي مش صحاب
امل عمر:احنا بقالنا كام سنة مع بعض والله يبنتي مش فاكرة
بس كل اللي اعرفه انك الوحيدة اللي بابقي علي طبيعتي معاها اكتر منا طبيعية
بشكرك علي مجهوداتك في الصلح مابيني ومابين عمك احمد هشام
دايما
وبشكرك علي مكان بيتك الاستراتيجي اللي خلاني اقدر اخد صورة حلوة لبياعين الروبابيكيا
اينعم هي مكانتش واضحة وحلوة اوي
بس لازم اشكرك بقي وخلاص
نانسي-نوسة- زعلت اوي لما شفت السنة دي في عينيك الحزن علي شجرنا اللي احنا زرعناه
ومات
انا كمان زعلت زيك يانوسة وعارفة انه ماتم ن الاهمال وان احنا كنا المفروض نهتم بيه منسبهوش للمزارع بتاع الجامعة
بس معلش لما نفضي هنزرع زرع كتير احلي وهنهتم بيه بنفسنا ونسقيه كل يوم
وهيعيش كتير ان شاء الله
مي:لازم تكوني معايا في كل سنة وافتكرك كل سنة عشان انتي مي،السنة دي اهو انا بقيت اسمع كلامك مش زي زمان
بس يامي انتي وحشتيني جدااااا انا ساعات بكره الظروف اللي بتفرقنا عن بعض
يوم عيد ميلادي انا اتضايقت عشان انتي مجيتيش بس في نفس الوقت فرحت عشان انتي كنتي في الشغل وانا هبقي مبسوطة لما تبقي ناجحة في شغلك
المفروض ده اول بوست ليا في السنة الجديدة
السنة دي كانت زحمة اوييييييي
مرت عليا احداث كتير وعرفت ناس كتير
مش عارفة ابتدي بالاحداث ولا الناس
ولاعارفة اكتب ايه في البوست ده
انا هكتب اللي يجي علي دماغي وخلاص
الناس اللي عرفتهم السنة دي في حياتي في ناس منهم بجد والله كانت حياتي هتبقي صعبة من غيرهم اوي
علا سالم: بالرغم من ان عمر معرفتنا صغير اوي الااني حسيت اني اعرفك من زمان،سامحيني لو كنت خفت عليك اكتر من اللازم في يوم من الايام
اثير:عشرة عمر اه بس عمرنا ماتفقنا،دايما كنت سيئة الظن بيك في كل حاجة،لما جيت وسالتك في مرة عن تصميم المواقع لما كنت عايزة اعمل انا وصحابي موقع فكرته الرئيسية الفضفضة ونصحتني بالبلوج او عمل مدونة افتكرتك وقتها بتوزعني ومش عايز تساعدني
معلش انا معرفتش انك انسان غير السنة دي بس ومعرفتش ان ممكن يكون في بينا نقطة التقاء فكري وانساني غير السنة دي بس
احمد ندا :اول مرة شفتك اتخنقت منك بصراحة،كنت بسمع عنك من موقع جمانة
شفتك في يوم التجمع التاريخي بتاعنا في الحديقة الدولية
فانت جاي من بعيد وقالولي ان ده احمدندا رحت عشان اسلم عليك
ازيك يااحمد عامل ايه علي فكرة انت خلتني اكتب حاجة حلوة اوي عن النقد
وانت وقتها في عينيك نظرة بتقول مين دي انا فين انا ليه
قام بسام وبربارة بتدارك الامر دي بوسي اميرة
رديت باستغراب ودهشة السلام
المهم يبني اني وقتها قفلت معايا وقلت استحالة هيبقي في بيني وبينك عمار
مكنتش اعرف وقتها انك واد جدع اوي اوي اوي
محمود عبدالرحمن:انامش بحب اسم محمود خاااالص ويمكن تقبلت الاسم بس عشان هو اسمك
عشان كدة انا دايما بناديك عبدالرحمن،انت انسان جميل اوي ياعبدالرحمن وياريت تتخلي عن صمتك شوية وتتكلم عشان الناس تعرف اد ايه انت جميل من جواك،انا فاكرة اول مرة شفتك مكنتش اعرف خالص انك معانا في الكلية وتاني مرة يوم اخر امتحان ليكوا لما اتكلمنا مع بعض بجد كاني اعرفك من عشرين سنة
ايهاب الدسوقي:احنا متكلمناش مع بعض كتير جايز بس ليك معزة خاصة عندي
ولا يمكن هنسي موقفك لما كنا في الجامعة وناس اتخانقوا معايا عشان بصور في المظاهرة وانت كنت هتيجي معايا عشان اصور الصور اللي انا عايزاها
محمد علي الدين:كنت رفيقي في خطواتي الاولي في الحياة العملية ولك مواقف معي لاتنسي
بسام عبدالسلام-بسامينوف-اكتر حد سمعني في الشهور الاخيرة من السنة
كنت تجعلني احلم بالمستحيل واتحدث عنه وكانه ملك يداي
هشام علام:انا اعرفك من زمان ،مش فاكرة من امتي ياهشام
بس انا حاسة اني معرفتكش غير السنة دي
علمتني ان الحياة مغامرة تستحق المقامرة
دعاء عادل:انسانة بجد ومشاعر رقيقة ،يمكن ده اللي قدرت اعرفه عنك من معرفتي البسيطة اوي بيكي
حنان الجوهري:بنت بلد وبت جدعة بجد وبرده ده اللي عرفته عنك من معرفتي البسيطة اوي بيكي
دعاء ومها واحمدابراهيم -اصحاب علا- ناس معتقدش اني هندم في يوم من الايام اني عرفتهم
حسين الجارحي ومحمد علي:جمعتنا فكرة واحدة جايز فشلنا في تنفيذها او الظروف بعدتنا عن تنفيذها
بس كسبت معرفة قلوب طيبة وولاد بلد زيكوا
الناس بقي اللي اعرفهم بقالي زمن واكتشفتهم السنة دي بس
احمد الدريني: كنت دائما الغائب الحاضر في حياتي،عقدتني بجد لاني كان نفسي يبقي عندي نص الانسانية والصفاء والنقاء اللي عندك
مكنتش اعرف انك انسان اوي كدة
شادي احمد:كنت دايما بتراعي مشاعري وتخاف عليا وعديت بيا لبر الامان في مواقف كتير اوي صعبة
وحسيت فعلا اد ايه انت بتحبني زي بوسي اختك
فاطمة حسن:قد تعجز الكلمات عن سرد دورك معي هذا العامولكن انتي اكتر واحدة عارفاه
بربارة عاطف:عجبني صمتك اللي واجهتي بيه كثيرا من المواقف معي
ذكري المشاركة في فيلمك كانت رائعة ،انا اصلي بحب التمثيل اوي
وبصراحة كانت احلي حاجة في الدور اني ضربت الولد وبهدلته
دايما كنتي بتسمعيني ايا كان الكلام اللي كنت بقوله
شكرا يابربارة
لميس:مش عارفة اقلك ايه بس انتي ساعدتيني في مشواري كتييير لا يمكن ابدا كنت اتخيل في يوم ان الشخصية الغلسة العدوانية
اللي مكنتش بطيقها ولما اعرف انها في مكان اتجنب الذهاب لذلك المكان ، كنت فاكراكي مش زينا كدة بتحبي الصحابك وتقفي جانبيهم
الحجات دي كنت فاكراكي متعرفيش عنها حاجة
بس انتي اكتر حد وقف جانبي
لايمكن ابدا هنسي انك انتي اللي متعرفيش تصحي قبل الضهر كنتي بتصحي عشاني من الفجر
وتصحيني عشان انزل امشي واجري
يمكن ساعات الصباح اللي كنا بنقضيها مع بعض يالميس
هي اللي خلتني اعرفك
وخلتني اعرف انك ممكن تبقي احسن صديقة الواحد يعرفها
زمردتي الغالية جايز تكون الايام غيرتنا بس مقدرتش تبعدنا عن بعض
ومقدرتش تغير حاجة في صداقتنا
يمكن قبل كدة واحنا قاعدين بنلعب اللعبة بتاعة الصراحة
سؤال وطلبتي مني ارد عليه اجابة اتخلي فيه عن الدبلوماسية اللي بتخنقك
انا دلوقتي هردعليه وبجد والله مش رد دبلوماسي
انتي لما سالتيني بتحبيني انا اكتر ولا سمر؟
وامتنعت عن الرد
بس دلوقتي هجاوبك
انتي وسمر عندي حاجة واحدة بتكملوا بعض وبتمثلولي حجات كتير اوي في حياتي
بس والله كتير سالت نفسي انا بحب مين فيكم اكتر ومعرفتش كل اللي اعرفه اني بحبكم وخلاص
-دايما كدة اسئلتك غلسة-
سمر:اكتشفت فيكي السنة دي بساطتك وطيبتك
احلي حاجة فيكي انك بتفوتيلي كتييييييير وبتعديلي اكتر
والحمدلله ان انتي كدة والا كان زماننا دلوقتي مش صحاب
امل عمر:احنا بقالنا كام سنة مع بعض والله يبنتي مش فاكرة
بس كل اللي اعرفه انك الوحيدة اللي بابقي علي طبيعتي معاها اكتر منا طبيعية
بشكرك علي مجهوداتك في الصلح مابيني ومابين عمك احمد هشام
دايما
وبشكرك علي مكان بيتك الاستراتيجي اللي خلاني اقدر اخد صورة حلوة لبياعين الروبابيكيا
اينعم هي مكانتش واضحة وحلوة اوي
بس لازم اشكرك بقي وخلاص
نانسي-نوسة- زعلت اوي لما شفت السنة دي في عينيك الحزن علي شجرنا اللي احنا زرعناه
ومات
انا كمان زعلت زيك يانوسة وعارفة انه ماتم ن الاهمال وان احنا كنا المفروض نهتم بيه منسبهوش للمزارع بتاع الجامعة
بس معلش لما نفضي هنزرع زرع كتير احلي وهنهتم بيه بنفسنا ونسقيه كل يوم
وهيعيش كتير ان شاء الله
مي:لازم تكوني معايا في كل سنة وافتكرك كل سنة عشان انتي مي،السنة دي اهو انا بقيت اسمع كلامك مش زي زمان
بس يامي انتي وحشتيني جدااااا انا ساعات بكره الظروف اللي بتفرقنا عن بعض
يوم عيد ميلادي انا اتضايقت عشان انتي مجيتيش بس في نفس الوقت فرحت عشان انتي كنتي في الشغل وانا هبقي مبسوطة لما تبقي ناجحة في شغلك
دينا وشيماء وهبة
دينا :كنت دايما فاكراكي قاسية عليا مكنتش اعرف ان قسوتك دي كلها حنية وانك بتحبينا قوي كدة
هبة:اخيرا بعد 3 سنين خرجتي من صمتك وبقيتي تتكلمي معانا واندمجتي معانا
شيماء:علي فكرة انا قصدي اكتبك اخر واحدة عشان في كلام كتير عايزة اقولهولك السنة دي
متزعليش مني لو جت فترة علينا وكنا مختلفين دايما ودايما كنت بستفزك وبخنقك
بس انتي اطيب قلب فينا واكتر واحدة زيي فيهم واكتر واحدة قريبة من طباعي عشان كدة بنختلف مع بعض كتير
بس ده مش هيغير من حقيقة صداقتنا وحقيقة حبنا وخوفنا علي بعض
ده كل الناس اللي اتاثرت بيهم السنة دي وقابلتهم يارب مكنش نسيت حد منهم
السنة دي برده حصلت فيها احداث جميلة اوي واحداث مؤثرة
السنة دي كانت خطواتي الاولي في حياتي العملية
السنة دي خدت خطوة ايجابية ونهيت علاقتي مع ناس كان لازم معرفهمش من زمان
السنة دي حاولت اخسر انسان عزيزعليا جدا وربنا سترها
السنة دي كانت زحمة اوييييييييييي
بس كانت جميلة
ويارب سنة 2007 تكون احلي واحلي
هناك ٢٢ تعليقًا:
قد يحالفك الصواب طوال الخط في قراءة(بعض) مما تراءي لك في أصدقاءك وفي الناس..ولكن أتمني لك أن تقرأي نفسك أنت بصورة صحيحة..أول خطوة مهمة وحقيقية هي أن تعرفي نفسك وتستطيعين الكتابة عنها..ستكون تلك هي النقطة الفارقة معك..ومع ذلك أشفق عليك من صدمة أن تعرف ذاتك كما لم تعرفها من قبل..لكن علي أية حال أنت ظموأة لما وراء الانسان..سترتوين كثيرا كثيرا..ولكن حذار..فالاقتراب أكثر من اللازم يبدد الصور الجميلة بلا تردد
أخجلتم تواضعنا يافندم
بس للي عايز يعمل حاجه بيعملها
نحن لا نعرف ولا نعترف بالمستحيل
تمتلكين إرادة جيدة لتحقيق ما تريدين
ولكن يعيبك حساب تحركاتك
الاندفاع في حالتك ربما يكون مفيدا
علي صوتك علي صوتك بالغنا
لسه الأغاني ممكنة ممكنة
أما بخصوص أكتر حد سمعك فهذا كرم عظيم منك أن تشرفيني بسماعك سيدتي
تحياتي لك ودمت في رعاية الله
بحبك قوى على فكرة واكيد انتى عارفة كده
اولا انتى من اعز الناس عندى وانتى ماكنتيش بتخنقينى ولا حاجة وشكرا ع الكلام الحلو دة كلة وربنا يخلينا لبعض
tab3an hat3rafene awel ma2olk(el 3nab el 3nab el 3nab)ana set el kol dodo hanem ka3b el 3'azal,tab3an mat2daresh tndame 3ala me3refte dante tzede sharf tab3an tab3an.bas fe3lan ya amera wa ne3ma el nas walahw.
wa esalamo 3alykom wa ra7mt allah 3alykom.(wen lek 3and el kalb 7aga 2olo yaaaaaaaa seedyy).salam yaa sedy.
crazynana
هههههههههههههههههههه
ست الكل مين
يا درية الكلب انتى
معذرة بقى يا أميرة
فضحتينا يا معفنه
5aleke fe 7alek ya kawther el kalb ana bakalm amera. crazynana
مطلقااااااااااااااااااات
لمي نفسك ياحيوانة منك ليها
انتوا هنا في بلوج محترم
وبعدين ياحبة فشلة في حد يخش علي بلوجات الناس الساعة 8 الصبح قبل امتحانه بساعتين
ورحمة امي لاوريكوا
وبعدين ايه نعليقاتكوا اللي كلها هوهوة دي
غيروا بقي لغوها مع مطلع السنة الجديدة
في شتايم نزلت احسن نياهاهاهاهاهاها
اه صحيح
نورتي يادودو يختي
خطوة عزيزة
وبالنسبة لاغنية العنب برده غيروها بقت السمك السمك السمك
وبرده السنة الجديدة جاية
ويعالم ممكن ينزلوا فيها ايه
بس اولا واخيرا عماد بعرور ده جبار وحد شعب مصر كله وخلاهم يرقصوا علي اغنية واحدة نياهاهاهاهااها
بس متقلقيش انا برده مقدرة ظروف امتحانك عشان كدة سماح المرة دي
احمد يكتب كما لم يكتب من قبل:انا مش بتعمد القراءة ولكنها تاتي دائما مصادفة ونتاج ملاحظة
اما عن قراءة نفسي فاحنا مع بعض عشرة عشرين سنة وللاسف عارفاها كويس
اما عن التحذير من الاقتراب فانا لااقدر ياسيدي الا علي الاقتراب وان كانت الصور الجميلة دائما ماتتبدد
بسام:
فعلا يابسام اللي عايز يعمل حاجة بيعملها
انا مثلا لو عايزة اخنقك اكيد مش هتردد ياجميل
انتم لاتعرفوا ولاتعترفوا بالمستحيل
بس انا بقي عارفاه وبعترف بيه
ولو يوم اعترفت بيه حياتي هتنقلب لجحيم
اعلم انني املك ارادة جيدة وان صح الوصف فهي ادارة حديدية
اما ان كان يعيبني حساب تحركاتي
فانا لااحسبها اصلا
الاندفاع في حالتي ربما يكون مفيدا....انا الحمد لله مندفعة طول عمري
اكيد طبعا لسة الاغاني ممكنة والا مكنتش عرفت اسمع اغنية كان صديقي بتاعة كاظم الساهر اللي انت بعتهالي
واللي بصراحة معجبنيش منها غير المقطع من الدقيقة7و47 ثانية لحد الدقيقة 8و
58
ثانية
هشرفك بسماعي ان شاء الله
بس انا مش سيدة
انا اميرة
نياهاهاهاها
علا: للاسف يبنتي انك غالية عندي وبحبك
وللاسف كمان انك بتحبيني
وللاسف هنفضل اصحاب طول عمرنا
شوشو حبيبتي برده هرد عليكي في الاخر
ومش هقلك اكتر من ربنا يخلينا لبعض
انا وانتي ودينا وهبة
إيهاب دسوقى:-
أميره هشام رمز للطيبه والوفاء والأخلاق وما اقدرش أبداً أنسى إنها كانت بتحاول دايماً تلم شمل دفعتنا الملزّقه بعد ما اتخرجنا
بوسي واميرة
شخصية معقده مركبة تركيب مزجى
يصعب على العامة فهمها
اما شريحة المثقفين فتنأى بنفسها عن الوقوع فى براثنها
مشوشة قلوقة ايام الامتحانات
بشوشة فرحة باقى اوقات السنة
انثي هذا الكائن تضع فى العام من خمسه الى 8 الاف عبقري
اما الذكر فيقضي اغلب اوقات النهار على النت
تتميز الانثس بذكاءها الحاد ورقة طباعها المتقلبه وتظاهرها بالبلاهه والعته المغولى..وهى كعادة اغلب الثدييات خبيثة مستفزة كثيرة الكلام
وفى دراسة اعلنت عنها جامعة ميتشيجان الامريكية حول هذا النوع النادر من كائن "بوسي- اميرة" وجد انالصيغة الوراثية الموجوده فى الحمض النووى تتشابه الى حد كبير والتكوين الجيني للإنسان الامر الذي أثار حفيظة الباحثين بمعهد دارون الذين اعلنوا ان هذا الاكتشاف يعيد الامل فى صحةنظرية النشؤ والارتقاء وان الانسان كان اصله "بوسي-اميره" الا ان قناة الجزيرة فاجأتنا ببث شريط فيديو خرج فيه الرجل الثانى فى تنظيم القاعده دكتور ايمن الظواهرى ليعلن مسؤلية التنظيم عن هذه الحالة الامر الذي اضطرت معه الولايات المتحده الى رفع درجات التأهب الى أقصاها
وذك تقرير اعده صحفى شاب فى جريدة المصري اليوم يدعى هشام علام ان بوسي-اميرة هى نتاج لعملية تهجين جيني اجراه احد المعلماء الموقوفين عن العمل بهيئة الطب البيطري بمركز باسوط البصل محافظة الشرقية.
الى هنا انتهى التقرير وسلام الله عليكم ورحمته وبركاته
ايهاب اخجلتم تواضعنا
بس تعرف لو كنت اعرف ان الدفعة ملزقة
كان هيبقالي تصرف تاني
إثر تقرير اعده الشاب الصحفي هشام علام عن الكائن بوسي-اميرة
قامت الحكومة بصرف كتالوجات لهذا الكائن لتشجيع المثقفين والعامة علي فهمه، بالاضافة لرصد جوائز عينية لكل مواطن يستطيع فهم ميكانزم هذا الكائن
هذا وقد صرح مصدر مسئول ان الجوائز ستتضمن البومات صور للكائن وتيشرتات عليها امضاء مزور للكائن
كما قررت الحكومة تبني العباقرة الذين تلدهم انثي الكائن بوسي-اميرة املا في تقدم البلاد علي يديهم
وعلي صعيد التركيب الوراثي والجيني للكائن بوسي اميرة فقد اتبعت الدولة سياسة التعتيم التام واعتبرت المسالة من اختصاص امن الدولة وجهاز المخابرات المصرية
كان معكم اميرة هشام
من ماسورة مجاري رقم 301
القاهرة
على فكرة الساعة كانت 4 الفجر قبل امتحان الميديا استاديز وبعدين مش فارقة يعنى اللى ذاكر ذاكر
المهم كل سنة وانتى طيبة وكل سنة وانتى جميلة
وانتي طيبة ياقمري في الليالي المظلمة
علي فكرة مش مهم الساعة كانت كام
المهم انك حليتي كويس ياحبيبتي وطبعا ده عشان انتي اصطبحتي بوشي
هحاول اقابلك قبل الامتحان الجاي عشان تقدري تحلي كويس
نياهاهاهاهاهاهاهاهها
و مين قال إني كنت معاكم في الكلية ؟ أنا كنت مع نفسي . أما عن اسم محمود فكويس إنك حبيتيه عملتي حاجة أنا ما عرفتش أعملها . تحليلك للناس كان معقول و أكد لي إنك صهنة . و أقدر أقول إن أحمد هشام كان عنده بعد نظر لما سماكي أميرة
انا اللي بقول انك كنت معانا في الكلية
واميرة لما تقول حاجة يبقي يتسمع كلامها
نياهاهاهاههاها
اما عن اسم محمود فمين قالك اني حبيته
انا بقلك تقبلته -حاز القبول عندي-عشان هو اسمك بس
لكن غير كدة عمري مهحب الاسم ده ابدااااااا
وبكدة ياصديقي العزيز نكون متساويين في بغضنا لذلك الاسم
ولكن قطعا نختلف في حبنا للشخص الذي يحمل الاسم-اكيد انت بتحبه اكتر لانك اقرب ليه مني-
تحليلي للناس لم يكن معقولا ولكنه كان جيدجدا وممتاز كمان
وده لاني رحت لمعمل البرج
وعلي رأي المثل ادي العيش لخبازه
نياهاهاهاهاها
بالنسبة لاحمد هشام فهو عنده استكماتيزم
واكبر شاهد علي ذلك كشف النضارة بتاعه
بالنسبة لاسم اميرة ده بقي
فده ليه حكاية
كعادتي كل حاجة في حياتي بتتم بحوار
حتي اسمي
حدث صراع بين عائلة البابا وعائلة الماما
حول تسميتي
عائلة الماما تريد تسميتي بوسي لانهم يرون اني اشبه بالقطط وقتها
عائلة البابا تريد تسميتي اميرة علي اسم عمتي الصغيرة
- العيلتين اول مرة يشوفوا اطفال معلش بقي نقول ايه-
المهم يبني
حدث اختلاف وصراع نتج عنه احزاب موالية ومعارضة
واستقر الامر علي جعل الاسم الرسمي اميرة
والاسم الحركي بوسي
وكلمة السر كتكوت نياهاهاهاها
المهم
فبقي عائلة الماما تناديني بوسي
وعائلة البابا تناديني اميرة
ومع الوقت اتلغبط الناس اللي حواليا بين الاسمين
وانا ساءت حالتي النفسية لان مكانش ليا اسم محدد وقتها
فاجتمعت عائلة البابا وعائلة الماما
ووصلوا لحل وسط وسلمي
وانهم ينادوني بوسي اميرة
وبكدة اعزائي المشاهدين
نكون وصلنا لاخر حلقتنا
اللي اكيد انتوا متفرجتوش عليها
بس عزائنا الوحيد انكوا ممكن تكونوا عديتوا ادام التليفزيون اثناء عرض الحلقة بالصدفة
شفت بقي ياعبدالرحمن
نسيت ارحب بيك في مدونتي
احلي سلام واحلي تحية عشان خاطرعيون الناس الحلوة ديا
وخطوة عزيزة
نتمني انها تحدث مرة اخري
عزيزتي أميرة هشام
أنت إنسانة تستحق كل خير، على فكرة بدايتك العملية بجد متميزة وشغلك حلو ، والحمد لله أن ليا مواقف لا تنسى مع حد
محمد على الدين
محمد علي الدين:
الحمدلله البداية كانت حلوة
بس الاحلي انها كانت معاكوا
بالنسبة للمواقف التي لاتنسي
زي منا فاكرة مواقف كتير حلوة ومواقف جدعنة منك
في موقف لحد دلوقتي برده مش هنساه
بتاع الشيبسي بالانارب
فاكره يامحمد؟
لو مش فاكره انا هبقي افكرك بيه لما نتقابل
تحياتي لك
وبجد نورت البلوج
وياريت اشوف تعليقاتك عندي كتير في المدونة
انتى اللى انسانه بجد يا اميره
وصدقينى بحبك اوى لانك صافيه جدا
وانشاء الله فى 2007 نكون اصحاب اكتر لانى وعارفه انى كسبت صديقه حقيقيه
وربنا يخلى ليك كل اصحابك وكل الناس اللى بتحبيهم ويكتروا يارب
وتحققى كل اللى بتحلمى بيه
اميره حصل غلط انا علقت ببلوج اخويا اللى هو القمحاوى
معلش غالطه مطبعيه
حصل خير
وعلى فكره دى علامه انى ادخل اعلق مرتين
وشكلنا هنكون اصحاب اوى انشاء الله
إرسال تعليق