طول عمري النوم عندي شئ مقدس
لو عايزة انام حتي وصابح عليا امتحان هنام وهنفض للامتحان
عادي خلقة ربنا بقي تقول ايه
انهاردة الفجر او قبل الفجر بشوية
سمعت حدث نزل عليا كالصاعقة
كنت وقتها في السرير نايمة
تعاملت ببرود قلت هكمل نوم والصباح رباح
ابقي اصحي اعيط براحتي وارحب بالمصايب اللي بتهل عليا حتي في ساعاتي المقدسة
بس للاسف مقدرتش اكمل نوم
وصحيت بكلم نفسي
طب وبعدين المفروض ان اقل حاجة اعملها دلوقتي اني اعيط
بس استهلكت عنيا كتير ومخزون الدموع خلص
وبقالي كتير متصدمتش صدمة جامدة
وكنت عايزة اعمل اي حاجة للصدمة اللي جاية تقضي عليا وتحصرني
بس معلش بقي ياصدمة
معرفتش احتفل بيكي ولااعيط ولا احط ايدي علي خدي
ولا اقول اه ده انتي وجعتيني اوي
اصل ورايا حجات كتير اوي
وصدقيني لااملك ترف الحزن
اصل انا مش هكسر شبابي علي الاهتمام بالصدمات
ابقي تعالي وقت تاني بقي
سلام
هناك ٦ تعليقات:
إزيك يا أميرةوحشتيني جداواتصلت كذا مرة مش بتردي
المهم عاملة ايه طمنيني عليك وابعتي قولي لي ايه المصيبة اللي حصلت خدي بالك من نفسك وافتكري إنك دايما أكبر من أي حزن أو مشكلة وإنك تقدري تواجهيهم وخصوصا إن حواليكي ناس كتييير بتحبك
طالما ان نهاية الحياة ستكون الموت
فلما لا نموت من الضحك خيرا من ان نموت من البكاء
وبالرغم من كدة الا اننا فى بعض الاحيان محتاجين اننا نعيط علشان نهدى من جوانا فكلنا انسان يمكن لو قبلنا كل المصائب ببرود هنفقد الاحساس اللى هو حس الانسان
البكاء قوة ، و لكن لا تتركي نفسك للحزن كثيراً ، هناك من ينتظر اشراقة بسماتك
ده حظك اليوم ( إن شاء الله
و ابقي شوفي
ايه الغموض دوه انتي كده هتفقدي قرائك اللي عندهم فضول متوضحي يا ميرو عموما قلوبنا معاكي
منطق رائع في التعامل مع الصدمات
بوست لذيذ
تحياتى
الحقيقة إنتِ حظك سيئ جداً, لأنك فعلاً موعودة بالمصائب.. لأنى بعتبر نفسى مصيبة أخرى حلت على مدونتك الجميلة.. ربنا يصبرك.
إرسال تعليق