لحظة انتقالية
يعني اصعب اللحظات في عمرك
يمكن دي اللحظة الوحيدة اللي بيختلط فيها الفرح بالحزن
الدموع بالضحك
هي لحظة بسيطة اوي ومتاخدش وقت كبير بس بتبقي اصعب لحظة
تخيل واقف متشبث بحاجز كبييير
ايديك مشبكة فيه ومش مستني يتشال بتبص علي طريق اتحرمت تمشي فيه
فجأة بتحس ان الحاجز بيتشال سنة بسنة
ساعتها بتخاف تصدق
يمكن ساعتها كمان تشوف الطريق مفتوح ادامك وتخاف تمشي فيه
اصل ساعتها بيبقي موجود جواك احساس وعكسه
هتبكي عالالم اللي اتالمته وانت راضي
ولا هتفرح بحلمك اللي كنت بتبصله علي انه مستحيل وبتحلمه مع نفسك وبس
ولا مش هتعرف تعمل ايه فتمشي وتسيب الدنيا خالص
ليست هناك تعليقات:
إرسال تعليق