زي كل يوم وصلت لميدان رمسيس الساعة 9 ونص وركبت مكروباص لحد مدينة نصر
لو تلاحظوا ياجماعة انا بقول ايه ؟...ميكروباص مش اتوبيس يعني
انهاردة كان يوم مختلف لان وميض الذكريات مبطلش في دماغي الكريمة
اخر حاجة افتكرتها قعدتي في الكافتيريا في الجرنان واحنا بنتكلم عن بدايات العمل بتاعنا
وعملت ستوب علي جملتين بس
انا :اول موضوع ليا كان عن التحرش الجنسي
هو :اه الموضوع ده كتر اوي اليومين دول
المهم طلعت الميكروباص وقعدت في الكنبة الاخيرة جنب الشباك
عشان الواحد يعمل دماغ من الهوا اللي بيهفهف عليه
طلع قعد جنبي حد -عرفت من النظرة الاولي ان القدر مخبيلي معاه لحظة ما
والراجل مكدبش خبر واثبت نظرتي فيه..ولامؤاخذة اتحرش بيا
-كانت جزء من الثانية دارت فيها مليون فكرة وفكرة
يانهار اسود هعمل ايه ؟..اسكت زيي زي اي واحدة مكسورة الجناح
وفجأة وبصوت عالي خرجت من صمتي وبصوت عالي صرخت :احااااااااا ياروح امك..فاكرني هسكتلك
-فرحت اوي بنفسي ..اول مرة ابقي قليلة الادب واعترض علي حد بالطريقة دي
طبعا اهل المكروباص والسواق بيسألوا هو عملك ايه؟
طبعا مفلحتش نظرات استجدائه .ولا كنت سامعة اي كلمة من كلامه
كان المفروض زيي زي اي بنت اعيط واسيبهم يعملوا فيه اي حاجة
بس انا اتكلمت وانا ببصله بنظرات نارية
واحد شهم جارنا في الكنبة اللي ادامنا كان عايز يضربه
قلتله لا سبهولي انا
الناس من نظراتي افتكرت اني هموته ..بس انا معرفتش بعد سبهولي انا هعمل ايه؟
فكرت اعمل ايه ولا قتني بقوله بكل تأثر ... عملت كدة ليه ؟..ربنا يهديك
قالولي تعالي يبنتي اقعدي ادام
قلتلهم بكل قوة وثقة لا انا هقعد هنا ويبقي يوريني لو قدر يعمل حاجة
كملت الطريق وانا باصة من الشباك ومش قادرة امنع الابتسامة علي وشي واحيانا تنفلت مني ضحكة..عشان اكتشفت في نفسي مواهب جديدة
وطبعا راعيت اني انزل بعد مالراجل ينزل حتي لو هنزل في آخر الخط..عشان ميغتالنيش
ظروف البلد صعبة آه ..الشباب قليل الادب علي عينا وعلي راسنا ...بس اوعوا بنت تسيب حقها وتعملي فيها رقيقة بقي وتسكت وترجع تعيط وخلاص
هناك تعليقان (٢):
أولا تهانئي القلبية الحارة بالانتصار المظفر على هذا الوغد الوسخ ومش محتاج طبعا أثني على موقفك الشجاع وأقول لك برافو والحاجات دي لأنها طبعا بديهيات
ثانيا: مش عارف ليه ضحكت بعد ما قريت التدوينة إذ تصورت للحظةإن أول تعليق هشوفه على التدوينة هو واحد من قراء مدونتك من بتوع "مدونات بلا بذاءات" وهو - أو هي - بيثني على موقفك وشجاعتك لكن بيلومك على استخدام الألفاظ البذيئة في مدونتك وخصوصا وإنك بنت وعيب وما يصحش وإنه كان ممكن تعبري عن استيائك بطرق أخرى "متحضرة" وأخلاقية ولا تتنافى مع الدين وكدة يعني
بس جيت لقيت محدش لسة معلق فقلت خير... طلعت أنا اللي سيء الظن بإخواننا عديمي البذاءات
أعتقد إن الأحة بتاعتك لم يكن ثمة بديل للفظها سواء في المبكروباص في مواجهة السافل الوسخ المتحرش أو في المدونة هنا وانتي بتحكي عن واقعة انتصارك عليه
تحياتي يا أستاذة
helwa awe ya amira:DDDDDDDDDDDDDd
bravooooooooooooooooooooooo
ana batbeset men nafsy bardo lama beytfelet meeney kam haga kedah alelet el adab fe wesh el oudamy barawa7 mabsouta la2eny ektashft fe nafsy haga gededa:D
amira ana FAKHOURAAAAAAAAAA BEKEY:DDDDDDDDDDDDDDDDDDDDDDDDDD
sousou.a
إرسال تعليق