الاثنين، ١٧ شعبان ١٤٢٩ هـ

هرتلة مابعد منتصف الليل

ابويا وطريقي معاه مسدود مسدود مسدود ياولدي ويباركله يامعلم

سي السيد صحي خد قراره وحطيت جزمة في بقي وقلنا حاضر وغنينا اغنية "احنا فرحانين ..احنا مبسوطين"ومشيت الحكاية

تكتمل بخبر وفاة احد اصدقائي ..اللي يجي في لحظة احتفالي بعيد ميلاد احد اصدقائي بردو
واللي احس بقمة الانتهاك الانساني في حضور حدثين متناقضين ومشاعر تتنازع فاقرر الانسحاب من هذا وعدم حضور ذاك
طبعا القرارات حاجة والتنفيذ حاجة تانية

مع تعرفي علي حقيقة الموت تفقد الاشياء معانيها ويستوي عندي كل شئ
وينفذ رصيد الجميع
وادرك انني كنت امتلك ابتسامة ساحرة صافية لن يراها احد ابدا بعد اليوم

تجتهد صديقتي الجميلة معي وتخبرني باهمية النوم وتتمني لي احلام سعيدة لاني بقالي كتير مبشوفش غير كوابيس

كل ده الاحداث ماشية طبيعي

بس المأساة هنا لما انام بجد ومن غير قلق ومحلمش بكوابيس
ويجي واحد ابن تيييييييييييييييييييييييييت يتصل بيا ويصحيني بالليل ويعاكس علي طريقة السبعينات
يانهااار اسود ياجدعان
حرام بجد
انا دلوقتي اهو صاحية ومش عارفة انام
اقعد اعمل ايه بقي :؟

هي الحياة بقت عبثية اوي كدة ليه؟

ايه القرف ده ؟

مخدتنيش معاك ليه يبني ؟ هو ليه دايما اللي بيموتوا انانيين كدة ..مش بياخدوا اصحابهم معاهم

هناك تعليق واحد:

Dr.Maha Salem يقول...

الى أميرتي النائمة
انا عارفة ان فيه حد اكلك التفاحة المسمومة وبعدها نمتي وابتديتي الهرتلة
حتى دوشة الأقزام من حواليكي ما قدرتش تصحيكي
بس انا مش قلقانة انا عارفة ان كل دي كوابيس والأمير في الطريق زمانه جاي على حصانه الأبيض عشان يصحيكي
اما عن ابتسامتك فتأكدى إنها مستخبية شوية عشان مذعورة بس كلها يومين وهترجع اصفى من الأول