اتذكر انني كنت في طفولتي منبوذة
الصف الاول يتصارع عليه الجميع ولكن عندما اجلس فيه لايأتي احد ليجلس بجانبي
انا لااحب اللعب بالدمي ..ولااجري والعب ..واقول كلام لايفهمونه
واقضي وقت فراغي في حل مسائل الرياضيات او كتابة خواطر بسيطة
اقصقص ورق الجرايد ..واجمع مختلف الحوادث
لم يكن يحزنني هذا كثيرا ..فلقد كنت قادرة علي خلق البهجة لنفسي بنفسي
لااتذكر متي حدثت نقطة التحول
وعرفت من عرفت من اصدقاء
هم كثيرون والحمدلله
ولم تنقطع علاقتي باي منهم حتي الان
وهو شئ غريب علي بنت تربت وسط عائلة تضع حدا لعدد الزملاء وحدودا في التعامل
وام تخبرك دائما عن لحظة غدر او خيانة منتظرة-في وقت لم اكن ادري فيه معني هاتين الكلمتين-!!!
ولكني اكتشفت روحي المتمردة باكرا
وعندما واتتني الفرصة
كان لي كثيرا من الاصدقاء دون حدود في عددهم ودون خطوط حمراء في تعاملهم
والحمدلله لم يحدث شئ حتي الآن منهم ..والحمدلله كمان مشفتش غدر ولا خيانة ولا بلابلابلا
المشكلة هنا بقي ..ان كلنا كنا ماشيين في طريق واحد تقريبا
ووصلنا دلوقتي لخط المصايب
كلنا اتعرضنا لبلاوي ومصايب منيلة بستين نيلة
انا كنت اقلهم في مصايبي بس اكثرهم ضررا
لاني معرفتش اخد رد فعل طبيعي
معرفتش انهار ..خلوني لااملك ان انهار
معرفتش اخد راحتي في الصدمة وغيبتي عن الدنيا
لاني مستحملتش اشوف .... البنت اللي شفتها اول مرة من 8 سنين بضفيرة طويلة من شعرها الاسود الفاحم وابتسامة لايضاهي جمالها شئ في الوجود وهي بتبكي ومحاولش اخليها تبتسم واقف ادامها وانا بابتسم ابتسامة صافية وصادقة من قلبي بجد
اعمل ايه ؟..قلبي اتخلع مني لما شفت دموعها
مستحملتناش واحنا قاعدين في عزا..نفتكر الميت ونفتكر اجمل ذكريات حياتنا
وبصراحة بقي لاقتهم كلهم منهارين ..وفي مشكلة عندي اني مبعرفش اعمل حاجة كل الناس بتعملها
عشان كدة خدت الرد الفعل العكسي وفوقت بسرعة
والحياة ابتدت عندي من جديد
انا هنا جنبكم ..يلا عشان انتوا كمان عشان الحياة تبتدي عندكوا من جديد
هناك ٣ تعليقات:
إزيك يا أميره حلو أوى التدوينه
بس حى الحياه تقدر تبتدى من جديد ؟
يعنى تقدر تنسى حاجات كتير وتعديها وكأنها محصلتش فى حياتك ؟ وساعتها هتقدر تقول بجد حياتى تبدأ من جديد
على رأى راشا لو فى أبشن دليت فى حياتك كانت الحياه هتفرق كتير وكانت كل شويه تبدا من جديد, بدايات حلوه طبعاً .!!!!!!
هي دعوة رائعة من انسانة اروع
ان نبدأ من جديد
دعوة للأمل ..دعوة للتفاؤل... دعوةان لا نستسلم للآلام ..ألسنا نصنع من الليمون المر شرابا منعشا حلوا؟
اما كيف؟
:فالإجابة أو السر في هذه الكلمة
الإيــمـــان
و بشر الصابرين
:)
إزيك يا أميره حلو أوى التدوينه
بس حى الحياه تقدر تبتدى من جديد ؟
يعنى تقدر تنسى حاجات كتير وتعديها وكأنها محصلتش فى حياتك ؟ وساعتها هتقدر تقول بجد حياتى تبدأ من جديد
على رأى راشا لو فى أبشن دليت فى حياتك كانت الحياه هتفرق كتير وكانت كل شويه تبدا من جديد, بدايات حلوه طبعاً .!!!!!!
إرسال تعليق