الأحد، 10 رجب 1432 هـ

عن البنت اللي مبترضاش تساعد نفسها

البنت الذكية الغبية اللي مبترضاش تساعد نفسها دي صاحبتي

صاحبتي مبترضاش تستقبل مني اي رسايل كل رسايلي ليها متعلقة مش راضية تفهمها

صاحبتي مش بتفهم ليه انا بكره صاحبتها

ومش بتفهم ليه انا بلعن الشر والاذي لما تجيب سيرتها

صاحبتي مش بتفهم صمتي المفاجئ وشرودي

صاحبتي معندهاش خيال مبتعرفش تتخيل ان اقوي ضرر واكبر اذي ممكن يجيلنا من ناس فاكرين ان احنا بنحبهم اوي

صاحبتي مبحبهاش لما تقولي حاضر حاضر حاضر ربنا يكفينا شر حاضر بتاعة تقفيل المواضيع دي

صاحبتي من كتر ما الحقيقة بقت قريبة منها بقت بين عينيها وهي مش عايزة تشوفها

صاحبتي اللي بحبها مبقتش تفهم ليه انا كل مشوفها بتنهد تنهيدة كبيرة اوووووووي وبغمض عينيا

مبرضاش اقلها ان الالم اللي بتيجي الصبح مرسوم علي وشها انا عارفة مين اللي رسمه

انا عارفة مين فنان الالم بس مرضاش اقول عشان وهم انصاف الالهة في حياتنا

لما بيتحطم بيبقي مؤلم اووووي وانا خايفة عليها تموت من الالم

هرتلات مابعد الضهر


هناك تعليقان (2):

الحلم العربي يقول...

مسيرها تعرف تساعد نفسها لما نصف الإله يتكسر فجأة قدامها ... و أكيد هيتكسر
بس يارب وقتها هو بس اللى يتكسر

غير معرف يقول...

جميلة لمن يفهمها
http://visitors2cash.com/ref.php?refId=66580