مالجرح بميت إيلام

مقدرتش اكون غيري

وآه من يوم هيجي مليان جرح والم

هتدور الدايرة بينا وهندفع التمن

وتصرخ مهما تصرخ ولاحد هيسمعك

وتصرخ مهما تصرخ ولا حد هيسمعك

:(

الثبات ..الثبات وانه -قسما-دوائي

اول مقول اني فرحانة وكل مشاكلي اتحلت ..الاقي سحابة مصايب هلت عليا

ودي اكتر حاجة بتخنق ..لسبب بسيط اوي ..ان الدنيا كدة بتدمرلي حساباتي

الواحد يبقي عامل حسابه يفرح ...يصحي الصبح يحزن او العكس

في مشكلة عندي هنا في مجهود تغيير الاحساس

خاصة اني واحدة معندهاش مرونة ولو غملت حسابها علي حاجة صعب تغيرها

والدنيا هنا بتلعب معايا لعبة مش حلوة ..عايزاني اغير احساسي كل شوية

فرحانة ..زعلانة ..فرحانة ..زعلانة

كاني قاعدة وحاطة ايد في مية سخنة اوي وايد في مية ساقعة اوي

تصوروا تضارب الاحساس وغباوته

طب يعني افصل نفسي عن الدنيا واقولها مش هلعب معاكي؟!

اكيد مش هقدر اعمل كدة ..خلينا واقعيين

ونحاول نفكر شوية ..انا متأكدة اني املك شئ من الذكاء ..والا مكانش الغباء عندي خطيئة لاتغتفر

اممم مش عارفة بقي خالص

حسنا حسنا لايسعني سوي ان اقول

الثبات الثبات وانه قسما دوائي

ياجميلة ..ياماريا

وعمار يااسكندرية ..ياجميلة ياماريا

وعد ومكتوب عليا ومسطر عالايدين

لاشرب من الحب حبة وانزل بحر المحبة

واسكن حضن الاحبة والناس الطيبين

حكاياتك يازيزينيا حواديت وناس ودنيا

وياموج بحر الليالي ..عديتك وانت عالي

ودفعت المهر غالي بالايام والسنين

ولسوف يعطيك ربك فترضي

لااله الا الله

وحده ..صدق وعده

ونصر عبده

وأعز جنده ..وهزم الاحزاب وحده

لااله الا الله

:) :) :) :) :)

رسالة إلي اصدقاء لن يمروا من هنا

اتذكر انني كنت في طفولتي منبوذة

الصف الاول يتصارع عليه الجميع ولكن عندما اجلس فيه لايأتي احد ليجلس بجانبي

انا لااحب اللعب بالدمي ..ولااجري والعب ..واقول كلام لايفهمونه

واقضي وقت فراغي في حل مسائل الرياضيات او كتابة خواطر بسيطة

اقصقص ورق الجرايد ..واجمع مختلف الحوادث

لم يكن يحزنني هذا كثيرا ..فلقد كنت قادرة علي خلق البهجة لنفسي بنفسي

لااتذكر متي حدثت نقطة التحول

وعرفت من عرفت من اصدقاء

هم كثيرون والحمدلله

ولم تنقطع علاقتي باي منهم حتي الان

وهو شئ غريب علي بنت تربت وسط عائلة تضع حدا لعدد الزملاء وحدودا في التعامل

وام تخبرك دائما عن لحظة غدر او خيانة منتظرة-في وقت لم اكن ادري فيه معني هاتين الكلمتين-!!!

ولكني اكتشفت روحي المتمردة باكرا

وعندما واتتني الفرصة

كان لي كثيرا من الاصدقاء دون حدود في عددهم ودون خطوط حمراء في تعاملهم

والحمدلله لم يحدث شئ حتي الآن منهم ..والحمدلله كمان مشفتش غدر ولا خيانة ولا بلابلابلا

المشكلة هنا بقي ..ان كلنا كنا ماشيين في طريق واحد تقريبا

ووصلنا دلوقتي لخط المصايب

كلنا اتعرضنا لبلاوي ومصايب منيلة بستين نيلة

انا كنت اقلهم في مصايبي بس اكثرهم ضررا

لاني معرفتش اخد رد فعل طبيعي

معرفتش انهار ..خلوني لااملك ان انهار

معرفتش اخد راحتي في الصدمة وغيبتي عن الدنيا

لاني مستحملتش اشوف .... البنت اللي شفتها اول مرة من 8 سنين بضفيرة طويلة من شعرها الاسود الفاحم وابتسامة لايضاهي جمالها شئ في الوجود وهي بتبكي ومحاولش اخليها تبتسم واقف ادامها وانا بابتسم ابتسامة صافية وصادقة من قلبي بجد

اعمل ايه ؟..قلبي اتخلع مني لما شفت دموعها

مستحملتناش واحنا قاعدين في عزا..نفتكر الميت ونفتكر اجمل ذكريات حياتنا

وبصراحة بقي لاقتهم كلهم منهارين ..وفي مشكلة عندي اني مبعرفش اعمل حاجة كل الناس بتعملها

عشان كدة خدت الرد الفعل العكسي وفوقت بسرعة

والحياة ابتدت عندي من جديد

انا هنا جنبكم ..يلا عشان انتوا كمان عشان الحياة تبتدي عندكوا من جديد

الحياة تبدأ من جديد

معجزة ان اجيد الصمت لمدة ساعة ..خاصة اذا كنت اجلس بجوارك سيدتي

ولكن هذا ماحدث

كنت تكتبين وانا بجوارك صامتة ..اتظاهر بقطع الصمت بين الحين والآخر باسئلة معروف اجابتها مسبقا

وكأنك تعطيني الفرصة كي اتصالح مع نفسي واحدثها واسافر معهاا واعود مرة اخري بها لنجلس جوارك

اتعلم منك ابجديات العلاقات الانسانية ..وكعادتي كانسانة فضولية انشغل بمعرفة عددهم

مع الوقت سيصبحون كثيرا بحيث اعجز عن عدهم

اتعلمهم جميعا في وقت قصير

اشعر بعدها وكأني ملكت العالم

معي ابجديات العلاقات الانسانية ..اصنع منها كل مااريد

اكون الكلمات والجمل والفقرات

اضع الفواصل والنقاط

انهي سطور وابدأ سطور

ابتسم متحدية العالم كله لاني املك اجمل ابتسامة

الحياة تبدأ من جديد ..لذا انا هنا امنح ابتسامتي

لااخفي غوايتي بالبدايات

ولاانسي النهايات

ومازلت اؤمن ان الغباء خطيئة لاتغتفر ابدااااااا

ليه ؟...لما ممكن

ليه تدفع اكتر لما ممكن تدفع اقل

ليه تعيش مأساة لما ممكن تعيش اتنين

ليه تاخد طعنة في صدرك لما ممكن تاخدها في ضهرك

ليه تظلم مرة لما ممكن تظلم مرتين

ليه تبقي ابن ناس لما ممكن تبقي ابن كلب لامؤاخذة

ليه تحب لما ممكن تكره

الغباء خطيئة لاتغتفر

مش هعتذر

واللي معندوش ذكاء كافي يتعامل معايا ..يبقي يوريني عرض كتافه

اهو كلامي واضح وصريح

والعارف لايعرف

واللي مش عارف يتصرف بعيد عني

لنا الله

عيناك قد دلتا عيني علي أشياء منك لولاهما ماكنت تبديها

وان أسباب الوفاة كثيرة من بينها وجع الحياة

اموت بس اعرف

دلوقتي عايزة تعرفي مين فيهم ابنك يافوزية؟

ابنك هو اللي مات

لااااااااااااااااااااااااااا-دي فوزية وهي بتصرخ-

cut

انا فاكرة اوي المشهد ده وفاكرة احداث الفيلم بس مش فاكرة اسم الفيلم

الست دي قعدت 20 سنة تقريبا تدور عالحقيقة وتعرف مين ابنها ومين ابن ضرتها اللي ماتت

وجوزها مكانش راضي يقولها عشان متحبش ابنها اكتر من ابن ضرتها

وراحت وجت ..وعملت اللي مايعمل ومعرفتش حاجة

وفي الاخر جوزها جه واداها الحقيقة علي طبق من فضة بس بعد ماابنها كان مات ومش هتعرف تاخده في حضنها تاني وهي عارفة انه ابنها

الواحد والله لما بيفكر في الفيلم ده ..بيحزن

هو انا ممكن اقعد 20 سنة ادور علي ام الحقيقة دي

بجد اموت واعرف

بجد انا عندي استعداد ادفع عمري كله الا دقيقة

بس افهم واعرف

طول عمري بفهم كل حاجة بتمر بيا وبقرا كل حاجة بين السطور

وبعرف اضفر التفاصيل

ممكن اقول للناس اني مش عارفة او استعبط

بس طول عمري مهما اشوف الخطوط متلعبكة بابقي عارفة اول الخيط جاي منين ورايح فين

بس المرة دي المعطيات مينفعش تدي النتايج

عندي تفسير منطقي جدا ..يبدو وكأنه حقيقي بس انا عارفة كويس انه مش حقيقي وانه غير متفق مع احساسي اللامنطقي-بالمناسبة انا بثق في احساسي -لانه عمره مكدب وعمره مشاف غلط

عندي حلقة مفقودة ..بجد ياجماعة والله ممكن ادفع تمنها غالي وشايفة ان من حقي ادور عليها

وشايفة انه ذنب لايغتفر انها متبقاش واضحة وموجودة

وشايفة انه قمة المأساة اني الاقي الحلقة المفقودة دي في وقت غلط

انا اقبل الغدر ..الخيانة ...الندالة ..الانتقام ..ممكن اقبل اي حاجة في الدنيا دي

بس مقبلش اني مبقاش فاهمة الحاجة دي حصلتلي ليه؟ اومبقاش فاهمة قرار تم اجباري عليه في حياتي

حاسة اني بالمنظر ده هبقي لعنة لاتزول

او اني هبقي شهيدة الحلقة المفقودة

حرااااااااااااااااااااااااااااااام بجد

محصلة القوي تساوي صفرا

في كدة نظرية ولا قانون في الميكانيكا ولا الفيزياء... والله الواحد مش فاكر اوي ...هو الواحد مخه دفتر؟

المهم النظرية بتقول نقطة الاتزان هي النقطة اللي بتكون عندها محصلة القوي تساوي صفرا

يعني لو جسم بتأثر عليه شوية قوي وفي قوة جاية من اتجاه وقوة تانية جاية من الناحية التانية وربنا سهلهم في المواصلات هيلغوا بعض وتبقي محصلتهم صفر فالجسم يبقي متزن

طيب انا جسم اهو له كتلة وحجم ماشاء الله عليه مش هنتكلم يعني

وكل يوم 456789009765قوة بتأثر عليا

تداهمني في نشوة فرح عارمة ...خبر منيل بستين نيل لامؤاخذة

وفي عز ممارسة حماقاتي عالبشر ...فجأة يأتيني ثوب الحكمة من حيث لاادري ولااحتسب

وفي عز الغباء اللمبة بتنور فجأة بردو وبابقي اذكي اخواتها

ومن كتر الحب بكره واجرح

وسعات ابقي وحشة اوييي بس يجي ضوء بسيط عشان بس يظهر جمالي ويمشي

وسعات ابقي مجنونة-احس حجات ميحسهاش غيري - وسعات ابقي عاقلة ده لما الاحساس عندي يقف لامؤاخذة

وكل القوي اللي بتأثر عليا كل قوتين متساويين ومضادين لبعض في الاتجاه يعني في الاخر بيساوا صفر

طب إيه بقي؟

انا مش متزنة ليه

ولا هو نيوتن وشلته معملوش حسابي في الليلة دي

قعدوا يقيسوا عالحجر والجماد ونسيوا البني آدمين

علي فكرة انا زعلانة منك اوي يانيوتن انت وزملاء كفاحك

لا لا بجد زعلانة اوي

اهئ اهئ اهئ

جاءنا البيان التالي

قام وفد من نداهات التراث الشعبي بتوقيع اتفاقية "المتحولون " أمس مع الكائنات الفضائية

تستهدف الاتفاقية تحويل 20 % من شباب الكرة الارضية الي اجساد آلية ونزع أرواحهم..علي أن تقوم النداهات بحفظها إلي أجل غير مسمي

وبقاءهم 60 يوم علي كوكب الارض ثم نفيهم الي كوكب المريخ ونفي ذويهم دون اي سابق انذار الي كوكب الزهرة

وسيتم الاستعانة بسحرة هوجرتوس لتعديل ذاكرة المحيطين-غير المتضررين- حتي لايتذكروا ماحدث..

مع الاخذ في الاعتبار ان المحيطين -غير المتضررين -قد يشكون كوابيس جماعية متكررة تظهر فيها نساء يصرخون ويولون .. ولكنهم سيرجعون ذلك الضغوط الحياة اليومية ،وارتفاع اسعار الزيت والسكر والحشيش

هذا وتتوجه اسرة مدونة "انا كدة ومفيش غير كدة عندي " بخالص العزاء للضحايا وتناشدهم بمحاولة جمع اشلاء انفسهم ،واعادة الارواح الي اجسادهم مرة اخري

وتؤكد ان قلوب كوكب سكان الارض جميعها معهم ،وتحذرهم من الانسجام مع سكان كوكب المريخ لانهم "بتوع مصلحتهم وجواهم سواد...لامؤاخذة"

وتناشد اسرة المدونة الشباب المنفيين بالامتناع عن مشاركة اهل كوكب المريخ مشروبهم الرسمي ..لانه امر لو تعلمون عظيم

"واخيرا نترككم مع محمد منير و.." لو بطلنا نحلم نموت

اميرة

سمو الاميرة "بوسي"

بوسي أميرة

أميرة أو بوسي

دي كلها توليفة من اسمي اللي ابتديت اكرهه

ابتديت اكره اسمي مش عشان هو وحش ولا حاجة

بالعكس هو جميل جدا

بس انا بدأت اكرهه عشان بقي كفيل بانهاء رحلة سفري وعودتي سريعا

في كل مرة ابدأ رحلة سفري اعود سريعا بسبب اسمي

الحكاية من اولها اني بسافر جوا نفسي لما ارجع بيتنا -يعني مش في اوقات العمل الرسمية- بابدأ الرحلة في سكون تام ودون أن يشعر احد

بس وانا في نص الرحلة وفي منتهي الانسجام الاقي اي حد يقول اميررررررررة

فبضطر ارجع من رحلتي وارد بصرخة و....و

وحسبي الله

بجد كرهت اسمي

لحظة صدق

هل أخبرتك يوما عن ........؟!

بالطبع لم اخبرك

قد اكون عجزت عن المعرفة او الفهم و عجزت كل الاشياء المنطقية

ولكني دائما اجيد اللامنطقية

قد استيقظ يوما فزعة من نومي ..فقط لاني اشعر بك تتألم

هل تعلم ان هذا الاحساس يقتلني؟

لااملك سوي الخروج والنظر الي السماء والتضرع الي الله لكي يهون عليك آلامك

حرمت علي نفسي ان تكون بطل احاديثي

حرمت علي نفسي الشكوي اليك

حرمت علي نفسي صداقتك

حرمت علي نفسي الكتابة اليك

ولكني مازلت اشعر بك كلما تألمت

ولايشفع لشعوري شواهد سعادتك المزيفة

وأقرأ سورة يس واطلب الرحمة لك من الله

واتمني لو قرأتها انت ايضا وطلبت من الله الرحمة

الان فقط

وعدتك ان نكون سويا ..فقط حين املك تفاصيل حكاية الماضي

فقط حين املك الاجابة علي كل الاسئلة

الان فقط استطيع ان اكون هنا

كنت اعرف كل شئ ولكن كان ينقصني ان ادرك اني اعرف

الان اسلمك المفاتيح ..كل المفاتيح

واعدك برواية قريبة ملكت كل مفاتيحها

:)

ممكن؟

اجعلني كخاتم علي قلبك كخاتم علي ساعدك ..لأن المحبة قوية كالموت

من الكتاب المقدس

"نشيد 8:6".

حلم منتصف ليلة صيف

في ليلة ظلماء مشيت علي ضوء القمر الضعيف

ووصلت بيتي في ساعة متأخرة علي غير عادتي

كان الجميع نائمون

وقررت ان ادخل شرفتنا للسهر مع النجوم

فاجأني هو بوجوده في شرفتنا..فهو لم يأت اليها من قبل ولم يعرف سحرها بعد

سألته في اندهاش ..هل كنت تتأمل النجوم من شرفتنا؟

اخبرني مبتسما لا

جئت لاخبرك ياسيدتي عن لعبة نلعبها جميعا اسمها الحقيقة

تساءلت في غباء ..وهل الحقيقة لعبة ؟

نعم احيانا تكون لعبة ونضطر ان نلعبها حتي نصل الي الحقيقة ذاتها

ازدادت حيرتي ولم افهم شيئا

وانتهي وقت الحلم قبل ان ينطق هو بكلمة تفسر لي المزيد

:(

من تحذيرات كابتن جمال

كابتن جمال ...يحترم دائما تفضيلي الجري للخلف

ولكنه كان يحذرني من ان يلمس كعبي الارض حتي لااسقط

في مرة من المرات اخذت مسافة الملعب كله جري للخلف وفي وسط المسافة نسيت ولمس كعبي الارض فوقعت

ضحك الجميع بما فيهم كابتن جمال

اما هو فقد اكتفي بالابتسامة الخجولة ولم يمد لي يده ليساعدني

حنقت عليه لانه لم يساعدني وصمت هو ولم يشأ الدفاع عن نفسه او تبرير موقفه

مر الموقف وانتهت فترة تسخيننا في الملعب

اطلق كابتن جمال صفارته وانقسمنا لفريقين وبدأنا المباراة

وكان هو سبب خسارة فريقه امام فريقي

اهداني الفوز في نهاية اللعبة ورحل في صمت

اما انا ظللت حانقة عليه ولم اغفر له خجله وعدم الدفاع عن نفسه

أن تعرف اكثر مما يجب -جحيم المعرفة-

عذاب أن تعرف ..عذاب ألا تعرف

وكأن قدري اني لااؤمن بالوداع

ابقي دائما انتظر

ابكي لاني انتظر شخصا مات

كيف وقد نثرت الورود علي قبره ؟

لااعرف ولكن حتي وانا اكتب الان

لا اشعر رحيله

لا اشعر رحيلهم جميعا

اتمني ان يكون حلم

اتمني ان نعود بالزمن للخلف حتي لااعرفهم

او اتشاجر معهم كما لم اتشاجر من قبل واكرههم

فافرح عند موتهم او حتي لا اهتم بالامر

ولابيوصل ..ولابيرجع ..ولا بيغيب

ولا بيوصل ولابيتوب

ولابيرجع ولابيغيب

النيل سؤاله مازال مجاش عليه الرد

من اد ايه ولفين ؟مقالش عمره لحد

ولابيوصل

سهران يوشوش ناي والحلم رايح جاي

قباله عالشطين بيحب صوت الناس

ولابيوصل

تفوت ايام.. تموت احلام... تعدي شهور.. تدور الارض والدنيا... وهو يدور

ولسة بيجري ويعافر ... ولسة عيونه بتسافر

ولسة قلبه لم يتعب من المشاوير

أغنية النيل لمحمد منير

زاهدا فيما سيأتي ..ناسيا ماقد مضي

هل تتذكر حوارنا العبثي عن جنازة كلا منا

اتذكر قولك "ستكون كارثة انسانية بالنسبة لك"...سيتعالي صوت ضحكتي واخبرك انها ستكون كارثة انسانية بالنسبة لك ايضا اذا ماحضرت جنازتي

ليس لاني اميرة ولكنها مأساة موت فتاة عشرينية

حوار عبثي لم ادركه سوي الآن

جاء موتك ليمحو كل شئ

هل تتصور انني لم اعد اتذكر احمد

مررت به اليوم كعابر سبيل ..عابر سبيل متمرس في حمايتك من الانهيار

هل تدرك حجم الكارثة؟

لم نعد اي شئ...لم اعد اراه ولكني ادرك ان هذا شخص ما سيفهمني

قادر علي تأجيل انهياري بعض الشئ لاصطحب صديقنا الاخر الي الموت بعد رحلة عذاب شاقة

اشعر بالندم الشديد..وبخطأ ارتكبته

ابرر لنفسي اني لااملك ترف الانهيار

هل لحظة موتك مؤثرة الي هذه الدرجة؟؟؟

الي درجة تجعلني انسي رجلا احببته كما لم احب احدا من قبل

الي درجة تجعلني اردد بثقة "هذا الزحام لااحد

الي درجة تجعلني اشعر واسمع واري بوضوح لذا فانا لااري ولا اسمع ولااشعر شيئا

رحمك الله ياسيدي"

هرتلة مابعد منتصف الليل

ابويا وطريقي معاه مسدود مسدود مسدود ياولدي ويباركله يامعلم

سي السيد صحي خد قراره وحطيت جزمة في بقي وقلنا حاضر وغنينا اغنية "احنا فرحانين ..احنا مبسوطين"ومشيت الحكاية

تكتمل بخبر وفاة احد اصدقائي ..اللي يجي في لحظة احتفالي بعيد ميلاد احد اصدقائي بردو
واللي احس بقمة الانتهاك الانساني في حضور حدثين متناقضين ومشاعر تتنازع فاقرر الانسحاب من هذا وعدم حضور ذاك
طبعا القرارات حاجة والتنفيذ حاجة تانية

مع تعرفي علي حقيقة الموت تفقد الاشياء معانيها ويستوي عندي كل شئ
وينفذ رصيد الجميع
وادرك انني كنت امتلك ابتسامة ساحرة صافية لن يراها احد ابدا بعد اليوم

تجتهد صديقتي الجميلة معي وتخبرني باهمية النوم وتتمني لي احلام سعيدة لاني بقالي كتير مبشوفش غير كوابيس

كل ده الاحداث ماشية طبيعي

بس المأساة هنا لما انام بجد ومن غير قلق ومحلمش بكوابيس
ويجي واحد ابن تيييييييييييييييييييييييييت يتصل بيا ويصحيني بالليل ويعاكس علي طريقة السبعينات
يانهااار اسود ياجدعان
حرام بجد
انا دلوقتي اهو صاحية ومش عارفة انام
اقعد اعمل ايه بقي :؟

هي الحياة بقت عبثية اوي كدة ليه؟

ايه القرف ده ؟

مخدتنيش معاك ليه يبني ؟ هو ليه دايما اللي بيموتوا انانيين كدة ..مش بياخدوا اصحابهم معاهم

وازاي يادنيا مشفتكيش؟!!

لايزعجني موته بقدر ماتزعجني فكرة الموت نفسها

تستوي كل الاشياء وتفقد معانيها

تجعلني اصرخ

عفوا لقد نفذ رصيدكم جميعا

لانكم تعطون الحياة اكثر من حجمها

اليكي سيدتي ..لان العمر مفهوش كتير

سيدتي الجميلة ..ثاني من التقيتهم هنا

توقفت عن الكتابة هنا لان مدونتي لم تحمل يوما سطرا مزيفا

هنا صفحات بيضاء وكلام صادق فقط

ولاني لم اعد استطيعه توقفت

اعرف انك انتظرتي عودتي في صمت

ولاني لم احتمل انتظارك لي هنا

عدت ..لم اعد لاكتب مرة اخري

عدت فقط لاني نسيت -والنسيان ذنب يغتفر احيانا-ان احكي عنك

ينتابني الخجل الشديد ياسيدتي فكيف نسيت ان احكي عن تلك اللحظات الصادقة

سيدتي لاتعيبي علي لغتي

فانا لم اهدف يوما لان اكون اديبة

فقط كنت اسجل لحظات حقيقية وصادقة لايستطيع فك شفرتها الكثير

أمي ام صديقتي ام اختي

صدقيني لااعلم

تخذلني نفسي للاسف فلا استطيع الكتابة عنك

شكرا لوقوفك بجانبي

فانت قريبة وان باعدت بيننا المسافات

شكرا لدعواتك لي في الفجر

حقا لاادري ماذا اقول

اشعر بالعجز عن الكتابة حين فكرت الكتابة عنك

سامحيني سيدتي

وشطبت شهادة ميلادي ..وقطعت جميع شراييني

لااملك المبررات ..لااعرف السبب

فقط شعرت بخوف يعصف بي ..ارغمني علي فقد كل شئ

وافقت علي الخسارة ..قطعت كل الخيوط

واشترط علي الرحيل ..ان ارحل مكروهة

اشترط ان ادمر الذكريات ..ان اشوه كثير من اللحظات الجميلة

وارمي المر علي العسل

فقط شعرت باني اريد ان افعل ذلك وبقوة

ليس لدي اسباب

ولن اقيم قراري ..فقط اتخذته

وانا اغمض عيني حتي لااري اشياء كثير تسقط ...لم عد ابالي بسقوطها

روعة احزان العهد الماضي

اشعر بالخوف

والنهاية تراوغني ..كلما اقتربت بعدت

وانا هنا لااملك فعل اي شئ

فانا اقف في مستنقع اذا ماتقدمت تلوثت اكتر بما فيه وخلفي هوة سحيقة

لهذا انا اقف عند هذه النقطة

لااملك شرح الامر ..لان عقلي لايصدقه

اشرب عصير الاناناس في لامبالاة ...واعود لاتذكر حجم الكوارث التي تحيط بي

وابتسم فقط لاني اشرب عصير الازمات ..عصير الاناناس

واشتاق لرفاهية احزان العهد الماضي

واحبهم جميعا رغم ماسببوا لي من احزان .. فاحزانهم غاية في الروعة والجمال

احزانهم او اخطاءهم بمثابة الفقرة الترفيهية في حياتي وسط كل هذه المصائب

طول عمري بشوف الحجات الوحشة بعيدة عني

بتحصل للناس التانيين ..لكن مش بتحصلي انا

بجوار رجل اعرفه جيدا

قليلة هي تلك اللحظات التي اتصرف فيها وفقا لفهمي للحقائق والاحداث

صعبة ..ممتعة ايضا

كعادته يواجهني بلامنطقية ..كاد ان يقودني الي الجنون

لذلك كان يجب ان استجمع قواي لاخرج من هذا الدور اللعين

انا فاهمة ..اقف علي الحقائق جميعا

لذا استطيع مواجهتك والانتصار ايضا بكل سهولة

تلك اللحظة التي شعرت بي انقذك من نفسك

من قراراتك العمياء

هي نفس اللحظة التي شعرت بها بالانتصار

لاوقت ياعزيزي لأفكر كيف ومتي واين ولماذا؟

فقط كان يجب الا تخطو هذه الخطوة

ونجحت في منعك؟

العنوان لمحمد فتحي

لاعليا ولا بيا

جى من البلاد البعيدة

لا زاد ولا ميه

وغربتى صحبتى بتحوم حواليا

وانتى تقوليلى بحبك

تحبى ايه فيا؟

وده حب ايه ده اللى من غير اى حرية؟

قلبى ضايع مين يلاقيه لى

باينى نسيته حدا اهلىي

ينفع احبك من غير قلبى

ماتردوا عليها وعليا

اه ياولد الهلالى لاعليا ولابيا

عندما اكتشفت روعة اغنية عزيزة ويونس لمحمد منير

The End

we realy reach 2 the end?



mmm



yes



the dat for our start was the same 4 our end





now , noooooooo signal